केंद्रीय मंत्री आणि भारतीय जनता पक्षाचे (भाजप) नेते सुकांता मजुमदार यांनी आज कॉंग्रेस नेते आणि लोकसभेतील विरोधी पक्षनेते राहुल गांधींवर हल्ला चढवत त्यांच्या राजीनाम्याची मागणी केली आहे. तसेच नेताजी सुभाषचंद्र बोस यांचा अनादर केल्याबद्दल राहुल गांधींनी पुढील २४ तासांत माफी मागावी अशी मागणीही मजुमदार यांनी केली आहे.

“राहुल गांधी यांनी सोशल मीडिया पोस्टमध्ये नेताजींचा एक फोटो शेअर केला आहे. ज्यामध्ये नेताजी सुभाषचंद्र बोस यांच्या मृत्यूची तारीख १८ ऑगस्ट १९४५ अशी नमूद करण्यात आली आहे. मात्र त्यांनी केलेल्या या दाव्याचा मी तीव्र निषेध करतो. भारताचे पहिले पंतप्रधान असलेल्या नेताजींचा अनादर केल्याबद्दल राहुल गांधी यांनी पुढील २४ तासांत माफी मागावी अशी माझी मागणी आहे,” असे सुकांता मुजुमदार यांनी एक्स वरील पोस्टमध्ये म्हटले आहे.

नेताजींच्या सर्व अनुयायांना आवाज उठवण्याचे आवाहन करत ते पुढे म्हणाले की “मी नेताजींच्या सर्व अनुयायांना ही मागणी शेअर करून आवाज उठवण्याचे आवाहन करतो.”

ते पुढे म्हणाले की, आज, राहुल गांधींनी नेताजींच्या जयंतीनिमित्त सोशल मीडियावर एक फोटो पोस्ट केला, जिथे त्यांनी नेतांजींच्या मृत्युची तारीख जाहीर केली. पण खरी गोष्ट अशी की याबद्दल कोणताही अधिकृत डेटा नाही. मात्र संवैधानिक पदावर राहिल्यानंतरही जर राहुल गांधी असे बेजबाबदार कृत्य करत असतील, तर त्यांनी नेताजींच्या सर्व अनुयायांची माफी मागावी.”

लोकसभेतील विरोधी पक्षनेते राहुल गांधी यांनी नेताजी सुभाषचंद्र बोस यांच्या १२८ व्या जयंतीनिमित्त सोशल मीडियावर फोटो शेअर केल्यानंतर हे घडले आहे. तथापि, नेताजींच्या मृत्युची तारीख १८ ऑगस्ट १९४५ असा उल्लेख केल्यामुळे या पोस्टवर वाद निर्माण झाला आहे , परंतु नेताजी सुभाषचंद्र बोसांच्या समर्थकांनी आणि अनुयायांनी या दाव्याला जोरदार विरोध केला आहे.

तत्पूर्वी, राहुल गांधी, त्यांची बहीण आणि काँग्रेस खासदार प्रियंका गांधी वड्रा यांनी गुरुवारी महान स्वातंत्र्यसैनिक नेताजी सुभाषचंद्र बोस यांना त्यांच्या १२८ व्या जयंतीनिमित्त श्रद्धांजली वाहिली आहे.

महान क्रांतिकारी, आज़ाद हिंद फौज के संस्थापक नेताजी सुभाष चंद्र बोस जी की जयंती पर उन्हें भावपूर्ण श्रद्धांजलि।

नेताजी का नेतृत्व, साहस, सामाजिक न्याय के लिए उनका संघर्ष, सहिष्णुता और समावेशिता के प्रति उनका योगदान आज भी हर भारतीय को प्रेरित करता है।

भारत माता के अमर सपूत को… pic.twitter.com/Fa2CTUu9BL

— Rahul Gandhi (@RahulGandhi) January 23, 2025