राज्याचे पावसाळी अधिवेशन सुरू आहे. दरम्यान आज लक्षवेधी आणि प्रश्नोत्तराच्या तासाला उत्तर देत असताना मुख्यमंत्री एकनाथ शिंदे यांनी मोठी घोषणा केली आहे. राज्यात ‘मुख्यमंत्री तीर्थदर्शन योजना’ सुरु करणार असल्याची घोषणा केली आहे. विधानसभेत बोलत असताना मुख्यमंत्री एकनाथ शिंदे यांनी घोषणा केली आहे. याबाबतची मागणी विधानसभेत बोलताना आमदार प्रताप सरनाईक यांनी केली होती. लक्षवेधी मांडत असताना त्यांनी ही मागणी केली होती. त्याला उत्तर देत असताना मुख्यमंत्र्यानी ही घोषणा केली आहे.
तीर्थदर्शन योजनेबाबत योग्य असे धोरण ठरवू असे षीने यांनी सांगितले. दरवर्षी किती जणांना पाठवून शकतो याची नियमावली तयार करू, ही योजना सुलभपणे राबवू. आम्ही ज्येष्ठ नागिरकांसाठी योजनाव राबवू असे शिंदे म्हणाले. प्रताप सरनाईक आणि राम कदम यांच्या मागणीवर मुख्यमंत्र्यानी ही घोषणा केली आहे. दरम्यान काळ अर्थमंत्री अजित पवार यांनी राज्याचा अर्थसंकल्प मांडला आहे.
उद्धव ठाकरेंनी हा अर्थसंकल्प थापांचा आणि गाजर दाखवणारा अर्थसंकल्प आहे अशी टीका केली. तसेच मुलींसाठी काही आणत असला तर मुलांसाठी पण आणा अशी टीका केली आहे. त्यावर बोलताना मुख्यमंत्री एकनाथ शिंदे म्हणाले, ”आमचे अर्थमंत्री अजित पवार यांनी अर्थसंकल्प सादर केला आहे. हा अर्थसंकल्प समावेशक आहे. मुख्यमंत्री माझी लाडकी बहीण योजना हे आजच्या अर्थसंकल्पाचे वैशिट्य आहे.तसेच मुख्यमंत्री अन्नपूर्णा योजनेंतर्गत वर्षाला तीन सिलेंडर मोफत देणार. त्यामुळे विरोधक गॅसवर आले आहेत.”
पुढे बोलताना एकनाथ शिंदे म्हणाले, ”जर्मनीत ४ लाख नोकर्त्यांचा एमओयू साइन केला आहे. आता जे सुशिक्षित बेरोजगार आहेत त्यांना १० हजार रुपये आम्ही देणार आहोत. त्यांचे स्किल्स डेव्हलप झाले कि त्यांना रोजगार मिळेल. आम्ही लाडका भाऊ योजना केली ना? पण त्यांनी अडीच वर्ष लाडका बीटा योजना राबविली त्याचे काय? म्हणून लाडका भाऊ देखील आम्ही घेतला.”
