जय हरी विठ्ठल जय हरी विठ्ठल.. संतश्रेष्ठ श्री ज्ञानेश्वर माऊली की जय, जगद्गुरु संत तुकाराम महाराज की जय विठ्ठल विठ्ठल… या नामघोशात लाखो वारकरी पंढरपूरकडे निघालेले आहेत. आज संतश्रेष्ठशी ज्ञानेश्वर माऊली आणि जगद्गुरु संत तुकाराम महाराज यांच्या पालख्या पुण्यनगरीमध्ये मुक्कामी असणार आहेत. दरम्यान विठुरायाच्या दर्शनाला पंढरपूरकडे जाणाऱ्या वारकऱ्यांच्या टेम्पोला पुण्यनगरीमध्ये एक अपघात झाला आहे. त्याबद्दल सविस्तर माहिती जाणून घेऊयात.
विठ्ठल विठ्ठल हरिनामाचा गजर करत पंढरपूरला जाणाऱ्या वारकऱ्यांच्या एका टेम्पोला पुण्यनगरी ते किरकोळ अपघात झाल्याची माहिती समोर येत आहे. वारकऱ्यांचा टेम्पो उलटून पाच वारकरी जखमी तर वीस वारकऱ्यांना दुखापत झाल्याची माहिती प्राप्त होत आहे. जखमी वारकऱ्यांवर खाजगी रुग्णालयात उपचार सुरू आहे या प्रकरणाचा पोलीस तपास करत आहेत जखमींमध्ये बहुतांश महिला वारकऱ्यांचा समावेश असल्याचे दिसून येत आहे. दरम्यान या प्रकरणी टेम्पो चालका विरुद्ध भारती विद्यापीठ पोलिसांनी गुन्हा दाखल केला आहे.
हातात भगव्या पताका डोक्यावर तुळस टाळ मृदुंगांचा गजर आणि माऊली तुकोबांचा जयघोष अशा भक्तिमय वातावरणात माऊलींची आणि संत तुकाराम महाराजांची पालखी पुण्यात दाखल झाली आहे लाखो वारकऱ्यांचा मेळा पंढरीच्या दिशेने निघाल्या आहेत. मात्र हाच मेळा पंढरीच्या दिशेने जात असताना कात्रज कोंढवा रस्त्यावर वारकऱ्यांना घेऊन निघालेला एक टेम्पो उलटल्याची घटना घडली. या टेम्पोमधील पाच वारकरी जखमी झाली असून वीस वारकऱ्यांना किरकोळ दुखापती झाल्या आहेत. हा टेम्पो परभणी वरून पंढरपुरकडे निघाला होता.
कात्रज कोंढवा रस्त्यावर न जात असताना टेम्पो चालकाचे वाहनावरील नियंत्रण सुटल्याने हा अपघात झाल्याचे सांगितले जात आहे पाचही वारकरीचे जखमी झाल्या आहेत त्यांना तेथील खाजगी रुग्णालयात उपचार करण्यासाठी घेण्यात आला आहे तसेच काही काळानंतर त्यांच्यावर उपचार करून त्यांना सोडून देण्यात आले आहे. दरम्यान भारती विद्यापीठ पोलिसांनी टेम्पो चालकाविरुद्ध गुन्हा दाखल केला आहे.
आषाढी वारीसाठी वारकऱ्यांमध्ये मोठा उत्साह आहे. हातात भगव्या पताका आणि मुखात विठू माऊलीचा जप करत त्यांच्या दिंड्याच पुण्यात दाखल झाल्या. जगद्गुरु संत तुकाराम महाराजांची पालखी नाना पेठ येथील निवडुंग विठोबा मंदिरात तर माऊलींची पालखी भवानी पेठ येथील विठोबा मंदिरात आज पुण्यनगरीत मुक्कामी असणार आहे. पुणेकरांना संत तुकाराम महाराज आणि संत ज्ञानेश्वर माऊलींच्या दर्शनासाठी तसेच वारकऱ्यांच्या सेवेसाठी आजचा पूर्ण दिवस उपलब्ध असणार आहे.
