आदित्य सरपोतदार दिग्दर्शित आणि शर्वरी वाघ आणि अभय वर्मा यांची भूमिका असलेला हॉरर कॉमेडी चित्रपट ‘मुंज्या’ने १०० कोटींच्या क्लबमध्ये प्रवेश केला आहे. कमी बजेटमध्ये आणि कोणत्याही मोठ्या चेहरा नसलेल्या ‘मुंज्या’ने चौथ्याच आठवड्यात 100 कोटींच्या क्लबमध्ये प्रवेश केला आहे.

‘कल्की 2898 एडी’ बॉक्स ऑफिसवर हिट झाल्यानंतरही ‘मुंज्या’ने आपली कमाई सुरूच ठेवली आहे. ‘मुंज्या’ने 20व्या दिवशी बॉक्स ऑफिसवर 90 कोटींहून अधिक कमाई केली होती. यानंतर ‘मुंज्या’ने बॉक्स ऑफिसवर 100 कोटीं क्रॉस करत आपली यशस्वी घोडदौड चालूच ठेवली आहे.

‘मुंज्या’ने पहिल्या दिवशी 4 कोटींची कमाई केली. यानंतर चित्रपटाने पहिल्या आठवड्यात 35.3 कोटींचा व्यवसाय केला आहे . दुसऱ्या आठवड्यात ‘मुंज्या’ने 32.65 कोटी रुपयांची कमाई केली. आता ‘मुंज्या’ने रिलीजचा चौथा आठवडा पूर्ण होण्यापूर्वीच १०० कोटींचा टप्पा ओलांडला आहे. ‘मुंज्या’ने जगभरातील बॉक्स ऑफिसवर 118.51 कोटींची कमाई केली आहे.

या वर्षी जे मोठे चित्रपट करू शकले नाहीत ते ‘मुंज्या’ने केले. या चित्रपटात मोठी स्टारकास्ट नाही. याशिवाय चित्रपटाचे बजेट फारसे नाही. मात्र, कलाकारांचा दमदार अभिनय आणि उत्तम कथानक यामुळे ‘मुंज्या’ने प्रेक्षकांची मने जिंकली आहेत.

अवघ्या 30 कोटींच्या बजेटमध्ये बनलेल्या ‘मुंज्या’ने अनेक बड्या चित्रपटांना मात दिली आहे. या चित्रपटाने 350 कोटींचे बजेट असलेल्या ‘बडे मियाँ छोटे मियाँ’ आणि 200 कोटींचे बजेट असलेल्या अजय देवगण स्टारर ‘मैदान’ला पराभूत केले. ‘बडे मियाँ छोटे मियाँ’ने बॉक्स ऑफिसवर 65 कोटींची कमाई केली होती. तर ‘मैदान’ने 52 कोटींची कमाई केली आहे. .