दिल्ली दारू घोटाळ्याशी संबंधित मनी लाँड्रिंग प्रकरणातील आरोपी बीआरएस नेत्या के कविता आणि दिल्ली सरकारचे माजी उपमुख्यमंत्री मनीष सिसोदिया यांच्या न्यायालयीन कोठडीत दिल्लीच्या राऊस एव्हेन्यू न्यायालयाने 25 जुलैपर्यंत वाढ केली आहे. आज या दोघांची न्यायालयीन कोठडी संपत होती. त्यामुळे त्यांना न्यायालयात हजर करण्यात आले. विशेष न्यायाधीश कावेरी बावेजा यांनी न्यायालयीन कोठडी वाढवण्याचे आदेश दिले आहेत.

१५ मे रोजी न्यायालयाने सीबीआय प्रकरणात सिसोदिया यांच्या न्यायालयीन कोठडीत आजपर्यंत वाढ केली होती. ईडीने ९ मार्च २०२३ रोजी या प्रकरणी चौकशीनंतर मनीष सिसोदिया यांना तिहार तुरुंगातून अटक केली होती. सिसोदिया यांना यापूर्वी २६ फेब्रुवारी २०२३ रोजी सीबीआयने अटक केली होती. या प्रकरणात मुख्यमंत्री अरविंद केजरीवाल अंतरिम जामिनावर आहेत. १० मे रोजी सर्वोच्च न्यायालयाने त्यांना २ जूनपर्यंत अंतरिम जामीन मंजूर केला होता. केजरीवाल यांनी राऊस ॲव्हेन्यू कोर्टात नियमित जामीन याचिका दाखल केली आहे. मात्र कोर्टाने ही याचिका फेटाळून लावत २ जून रोजी सरेंडर करण्याचे आदेश दिले आहेत.

२१ मे रोजी दिल्ली उच्च न्यायालयाने सीबीआय आणि ईडी प्रकरणात दाखल केलेली सिसोदिया यांची दुसरी जामीन याचिका फेटाळली होती. सिसोदिया यांनी आपल्या पदाचा गैरवापर केल्याचे उच्च न्यायालयाने म्हटले होते. सिसोदिया यांची याचिका केवळ खटल्याच्या सुनावणीला उशीर झाल्याच्या कारणावरून दाखल करण्यात आली आहे. हायकोर्टाने म्हटले होते की, खटला चालवण्यास विलंब होत नाही, परंतु आरोपींनी अनेक याचिका दाखल केल्या होत्या त्यामुळे विलंब होत
आहे.

ईडीच्या म्हणण्यानुसार, ३३ टक्के नफा कविताला इंडोस्पिरिट्सच्या माध्यमातून पोहोचला. ईडीच्या म्हणण्यानुसार. कविता यांचा लॉबी साऊथ ग्रुप ऑफ दारू व्यापाऱ्यांशी संबंध होता. ईडीने के. कविता यांना चौकशीसाठी दोन समन्स पाठवले होते पण त्यांनी त्याकडे दुर्लक्ष केले आणि हजर न झाल्याने त्यांना छापा टाकून अटक करण्यात आली. सीबीआयच्या म्हणण्यानुसार, दिल्ली अबकारी घोटाळा प्रकरणात के. कविता यांचाही या कटात सहभाग होता.