जम्मू-काश्मीरमधील कठुआ भागात दहशतवाद्यांनी पुन्हा एकदा घृणास्पद कृत्य केले आहे. यावेळी दहशतवाद्यांनी लष्कराच्या वाहनाला लक्ष्य केले आहे. या हल्ल्यात दोन जवान जखमी झाले आहेत. टेकडीवर बसलेल्या दहशतवाद्यांनी लष्कराच्या वाहनावर ग्रेनेड फेकल्याचे सांगितले जात आहे. लष्कराच्या प्रत्युत्तरादाखल कारवाईने ही चकमक सुरू झाली आहे. सुरक्षा दलांनी संपूर्ण परिसराला वेढा घातला असून दहशतवाद्यांचा शोध सुरू आहे.

जम्मूमध्ये गेल्या काही दिवसांपासून दहशतवादी घटनांमध्ये वाढ झाली आहे. काश्मीरमधील कुलगाम येथे झालेल्या दोन चकमकीत सहा दहशतवादी ठार झाले. यादरम्यान दोन जवानही शहीद झाले. राजौरी येथील भारतीय लष्कराच्या छावणीवर दहशतवादी हल्ला झाल्याची घटना समोर आली आहे. या हल्ल्यात लष्कराचा एक जवान जखमी झाला आहे.

जम्मू आणि काश्मीरमध्ये दोन वेगवेगळ्या चकमकीत सहा दहशतवादी मारले गेल्यानंतर, ब्रिगेडियर पृथ्वीराज चौहान, यांनी दक्षिण काश्मीरमध्ये दहशतवाद्यांचा खात्मा करण्यात आला असून हा हिजबुल-मुजाहिद्दीन या दहशतवादी संघटनेसाठी मोठा धक्का असल्याचे म्हंटले आहे. चौहान यांनी असेही नमूद केले की, ऑपरेशन दरम्यान लष्कराच्या एका जवानानेही बलिदान दिले. “कुलगाम मधल्या चिन्निगाम ऑपरेशनमध्ये आमचे सैनिक प्रभाकर प्रवीण यांनी देशासाठी सर्वोच्च बलिदान दिले. आम्ही अनेक दिवस सर्व एजन्सी आणि लष्कराच्या निगराणी उपकरणांच्या मदतीने या भागातील हालचालींवर लक्ष ठेवून होतो. ६ जुलै रोजी आम्हाला दहशतवादी हालचालींची माहिती मिळाली. चिन्निगाम परिसरात आम्ही त्यांना चोख प्रत्युत्तर दिले, या ऑपरेशनमध्ये सुमारे 6 किलो वजनाचा आयईडी मारला गेला निष्प्रभ करण्यात आला आहे.