अनंत अंबानी आणि राधिका मर्चंट यांचा हळदी समारंभ काल अँटिलियामध्ये पार पडला. त्यांच्या हळदी समारंभात अनेक बॉलिवूड सेलिब्रिटींनी हजेरी लावली होती. यावेळी कलाकारांनी परिधान केलेल्या कपड्यांनी सर्वांचे लक्ष वेधून घेतले. अँटिलिया येथे झालेल्या या हळदी समारंभाचे काही फोटो आणि व्हिडिओ सोशल मीडियावर व्हायरल होत आहेत.
अनंत आणि राधिकाच्या हळदी समारंभात बॉलिवूडचे सर्व कलाकार पारंपरिक लूकमध्ये दिसले. हळदी समारंभाचे काही व्हिडिओ आणि फोटो सोशल मीडियावर व्हायरल झाले आहेत. सलमान खान पहिल्यांदाच ब्लू जीन्स आणि पिवळा कुर्ता परिधान करताना दिसल. तसेच समोर आलेल्या फोटोमध्ये सलमानच्या चेहऱ्यावर हळद लावलेली दिसत आहे.
दुसरीकडे, अंबानींच्या हळदी समारंभातील अभिनेता रणवीर सिंगचा एक व्हिडिओही समोर आला आहे. या व्हिडिओमध्ये त्याच्या चेहऱ्यावर हळद लावलेली दिसत आहे. तर दुसऱ्या व्हिडिओमध्ये तो पान खाताना दिसत आहे.
सलमान आणि रणवीरने यापूर्वी अनंत-राधिकाच्या संगीत सोहळ्यात परफॉर्म केले होते. रणवीरने सलमानच्या नो एन्ट्री गाण्यावर डान्स केला. सलमानने अनंतसोबत प्रथमच ऐसा हुआ है या गाण्यावर डान्स केला. आंतरराष्ट्रीय गायक जस्टिन बीबर यानेही परफॉर्म करून कार्यक्रमाला बहारदार बनवले.
अनंत आणि राधिकाच्या हळदी समारंभाला जान्हवी कपूर, अनन्या पांडे, सारा अली खान, बादशाह आणि इतर बॉलिवूड कलाकारांनी हजेरी लावली होती. जान्हवी, अनन्या, मानुषी छिल्लर, सारा हळदी समारंभात खूपच सुंदर दिसत होत्या. जान्हवीने पिवळ्या रंगाची साडी नेसली होती. साराने रंगीबेरंगी लेहेंगा-चोली परिधान केली होती. अनन्याने या सोहळ्यात अनारकली ड्रेस परिधान केला होता. या चौघांचा लूक पाहण्यासारखा होता. अर्जुन कपूर, ओरी, शिखर पहाडिया, बोनी कपूर, वेदांग रैना यांसारख्या अनेक सेलिब्रिटींनी हळदी सोहळ्याला हजेरी लावली.
अनंत आणि राधिका यांचे लग्न १२ जुलैला पार पडणार आहेत. त्यांच्या लग्नाचा शुभ मुहूर्त दुपारी ३ वा. अँटिलियामध्ये हा विवाहसोहळा होणार आहे. यानंतर 13 जुलै रोजी सायंकाळी 6 वाजता आशीर्वाद सोहळा होणार आहे. नीता मुकेश अंबानी कन्व्हेन्शन सेंटरमध्ये हा सोहळा होणार आहे. आशीर्वाद समारंभ हा एक छोटासा स्वागत समारंभ असेल आणि त्यात मोजकेच लोक उपस्थित राहतील. त्यानंतर 14 जुलै रोजी अंतिम रिसेप्शन होईल, ज्यामध्ये मीडिया आणि चित्रपट उद्योगातील लोकांना आमंत्रित केले जाईल.
