महाराष्ट्रातील छत्रपती संभाजीनगर शहरातील 50 तरुण बंदी घातलेल्या आंतरराष्ट्रीय दहशतवादी संघटनेच्या संपर्कात आहेत. याप्रकरणी अटक करण्यात आलेल्या आरोपी झोएब खान मोहम्मद याच्याविरुद्ध न्यायालयात सादर करण्यात आलेल्या राष्ट्रीय तपास संस्थेच्या (एनआयए) आरोपपत्रातून ही माहिती मिळाली आहे. एनआयएने आरोपपत्रात म्हटले आहे की, छत्रपती संभाजी नगर जिल्ह्यात धार्मिक कट्टरवादाच्या नावाखाली दहशतवाद पसरवणाऱ्या इसिसचे जाळे वाढले आहे.
NIA च्या पथकाने 15 फेब्रुवारी रोजी छत्रपती संभाजीनगर शहरात छापा टाकून हर्सूल परिसरातून झोएब खान मोहम्मदला अटक केली होती. एनआयएचे पथक झोएबची कसून चौकशी करत आहे. आरोपपत्रानुसार, झोएब खान हा लिबियन आयएसआयएस संघटनेचा कार्यकर्ता शोएबच्या संपर्कात होता. तो भारतात मोठी कारवाई करण्याची योजना आखत होता. त्यासाठी लिबियातून शोएबला पैसेही पाठवण्यात आले होते. या पैशाचा वापर करून शोएब छत्रपती संभाजीनगरातील तरुणांना इसिसशी जोडण्याचे काम करत होता. भारतात मोठी कारवाई करून शोएब अफगाणिस्तान किंवा तुर्कस्तानला पळून जाण्याच्या तयारीत होता, पण शेवटपर्यंत पोहोचण्यापूर्वीच एनआयएने त्याचा कट उघड केला.