सीपीएन-यूएनएलचे नेते केपी शर्मा ओली (KP Sharma Oli) यांनी नेपाळी काँग्रेसच्या पाठिंब्याने आज (१५ जुलै) नेपाळच्या पंतप्रधानपदाची शपथ घेतली आहे. नेपाळचे राष्ट्रपती राम चंद्र पौडेल यांनी रविवारी ७२ वर्षीय केपी शर्मा ओली यांची नवीन आघाडी सरकारचे नेते म्हणून पंतप्रधानपदी नियुक्ती केली आहे. के.पी. शर्मा ओली यांनी तिसऱ्यांदा नेपाळचे पंतप्रधान (Prime Minister of Nepal) म्हणून देशाची सूत्रे हाती घेतली आहेत.
के.पी. शर्मा ओली यांच्या नवीन सरकारमध्ये एकूण 21 मंत्री असतील, त्यापैकी 9 नेपाळी काँग्रेसचे असतील. गृह, वित्त आणि ऊर्जा यासारखे महत्त्वाचे विभाग नेपाळी काँग्रेस आणि सीपीएन-यूएमएल यांच्यात विभागले जातील.
राष्ट्रपती भवनाची मुख्य इमारत शितल निवास येथे सकाळी 11 वाजता आयोजित शपथविधी समारंभात आज पंतप्रधानपदाची शपथ घेणारे सीपीएन-यूएमएलचे अध्यक्ष के.पी. शर्मा ओली यांनी त्यांच्या पाठिंब्याने सर्वोच्च पद मिळवले आहे.तत्कालीन पंतप्रधान पुष्पकमल दहल प्रचंड यांनी नेपाळमधल्या संसदेतील विश्वासदर्शक ठराव गमावल्यानंतर 165 प्रतिनिधी सभागृहाच्या सदस्यांच्या स्वाक्षऱ्या सादर करणाऱ्या ओली यांना 88 नेपाळी काँग्रेस (NC) सदस्यांचा पाठिंबा मिळाला आहे.
मात्र ओली यांची नेपाळच्या पंतप्रधानपदी झालेली नियुक्ती हे भारतासाठी चिंतेचे कारण ठरू शकते कारण केपी शर्मा यांनी पंतप्रधानपदाची शपथ घेण्याची ही चौथी वेळ आहे.याआधी,ओली ऑक्टोबर 2015 आणि फेब्रुवारी 2018 मध्ये पंतप्रधान झाले होते केपी शर्मा यांचे चीनसोबतचे संबंध साऱ्या जगाला माहीत आहेत. अनेक टीकाकार असेही म्हणतात की, चीनकडून ग्रीन सिग्नल मिळाल्यावरच ओली सर्व कामे करतात. ओली यांच्या निर्णयांमागे चीनचा हात असल्याची टीकाही केली जाते.दरम्यान,ओली पुन्हा पंतप्रधानपदी आल्यामुळे भारत-नेपाळ संबंधांमध्ये तणाव निर्माण होण्याची शक्यता निर्माण झाली आहे.
