Jammu Attack : जम्मूच्या राजौरी येथे पुन्हा एकदा दहशतवाद्यांनी हल्ला केला आहे. सोमवारी (22 जानेवारी) सकाळी ३.१० च्या सुमारास दहशतवाद्यांनी लष्कराच्या छावणीवर हल्ला केला. यावेळी गावाजवळ उपस्थित असलेल्या लष्कराच्या तुकडीने प्रत्युत्तर दिले आणि गोळीबार सुरू झाला. भारतीय लष्कराने एकूण 4 पाकिस्तानी दहशतवाद्यांना घेरले आणि त्यापैकी एक ठार झाला आहे.
यावेळी एका जवानाला देखील गोळी लागली असून त्याला रुग्णालयात दाखल करण्यात आले आहे. तसेच या हल्ल्यात एक नागरिक देखील जखमी झाला त्याच्यावर सध्या रुग्णालयात उपचार सुरु आहेत.
राजौरी येथील घटनेची माहिती मिळताच अधिक सुरक्षा दल घटनास्थळी पाठवण्यात आले आणि लपलेल्या दहशतवाद्यांचा शोध घेण्यासाठी शोध मोहीम सुरू करण्यात आली आहे.
गेल्या एका महिन्यात जम्मू-काश्मीरमध्ये दहशतवादी घटनांमध्ये मोठी वाढ झाली आहे. या काळात दहशतवाद्यांनी अनेक मोठ्या घटना घडवून आणल्या, ज्यामध्ये आत्तापर्यंत 12 वान शहीद झाले आणि 9 नागरिकांचा मृत्यू झाला. नुकताच जम्मूतील डोडा येथे हल्ला झाला, या हल्ल्यात एका अधिकाऱ्यासह चार जवान शहीद झाले.
