Sonakshi Sinha : बॉलीवूड अभिनेत्री सोनाक्षी सिन्हा आणि झहीर इक्बाल यांच्या लग्नाला आता एक महिन्याहून अधिक काळ लोटला आहे. लग्नानंतर दोघेही एकत्र फिरताना दिसताना आहेत. दरम्यान, रविवारी दोघेजण एकत्र जेवायला बाहेर पडले. दोघांना रेस्टॉरंटमधून बाहेर पडताना पापाराझींनी आपल्या कॅमेरात कैद केले .

समोर आलेल्या व्हिडिओमध्ये सोनाक्षी झहीरचा हात धरून एकदम काळजीपूर्वक चालताना दिसत आहे. व्हिडिओमध्ये झहीर जीन्स आणि टी-शर्टवर जॅकेट घातलेला दिसत आहे. तर अभिनेत्री पोल्का ड्रेसमध्ये एकदम सुंदर दिसत आहे. अभिनेत्रीने घातलेला हा ड्रेस याआधी अनेक अभिनेत्रींनी परिधान केलेला पाहायला मिळाला.

परंतु हा ड्रेस अभिनेत्रींनी गुड न्यूज देताना परिधान केला होता. अशातच आता चाहते देखील सोनाक्षी लवकरच आई होणार असल्याचे म्हणत आहेत. अभिनेत्रच्या व्हायरल व्हिडिओवर नेटकरी ‘सोनाक्षी प्रेग्नंट आहे का?’ तसेच लवकरच घरी छोटा पाहुणा येणार असल्याचे म्हणत आहेत.

अलीकडेच सोनाक्षीने एका प्रसिद्ध वृत्ताला दिलेल्या मुलाखतीत लग्नाबद्दल सांगितले, यावेळी ती म्हणाली, “मी खूप आनंदी आहे कारण मला असे वाटते की मी असे काहीतरी केले आहे ज्याची मी खूप दिवसांपासून वाट पाहत होते आणि आता मला असे वाटते की मी जिथे असायला हवे होते तिथेच आहे. आता घरी असल्यासारखे वाटते. मला झहीरसोबत वेळ घालवायला आवडते, माझी इच्छा होती की आम्ही दोघांनी खूप आधी एकत्र यायला हवे होते पण उशीर झाला असला तरी देखील आम्ही आता एकत्र आहोत.”