Marathi Bigg Boss : येत्या 28 जुलै मराठी बिग बॉसला सुरुवात होत आहे. मराठी बिग बॉसचा हा पाचवा सीजन असणार आहे. पूर्वीपेक्षा यावेळचे मराठी बिग बॉस एकदम धमाकेदार असणार आहे, कारण यावेळी अभिनेता महेश मांजरेकर शो चालवणार नसून, यावेळी आपला भाऊ रितेश शो होस्ट करणार आहे.
यावेळी रितेश देशमुख त्याच्या स्टाईलने घरातल्यांची शाळा घेणार आहे. त्यातच आता बिग बॉस मराठीच्या घरात स्पर्धक म्हणून कोण सहभागी होणार याची उत्सुकता सगळ्यांना लागून राहिली आहे. दरम्यान, एक नाव सध्या सर्वत्र चर्चेत आहे. यावेळी मराठी बिग बॉसच्या घरात मराठी अभिनेत्री वर्षा उसगांवकर प्रवेश करणार असल्याची चर्चा सुरु आहे.
काही दिवसांपूर्वीच इंस्टाग्राम वरील फेमस रील स्टार कोकण हार्टेड गर्ल अंकिता वालावलकर, तसेच मालिकाविश्वातील अभिनेते विवेक सांगळे आणि चेतन वडनेरे यांच्या नावाची चर्चा सुरु होती. आता त्यातच वर्षा उसगांवकर यांच्या नावाचा समावेश झाला आहे. जेव्हापासून वर्षा उसगांवकर यांचे नाव समोरे आले आहे तेव्हापासून या शो ची उत्सुकता चाहत्यांमध्ये शिगेला पोहचली आहे.
अभिनेत्री वर्षा उसगांवकर महाराष्ट्रातील मराठी नंबर वन वाहिनी स्टार प्रवाहवर सुख म्हणजे नक्की काय असंत! या मालिकेत दिसत होत्या. पण त्यांनी आता या मालिकेतून प्रेक्षकांचा निरोप घेतला आहे. अशातच आता त्या बिग बॉस घरात प्रवेश करणार असल्याचा अफवांना आणखीनच जोर आला आहे.
