Vidya Chavan Vs Chitra Wagh : भाजप नेत्या चित्रा वाघ आणि शरद पवार गटाच्या नेत्या विद्या चव्हाण यांच्यात सध्या तू तू मै मै सुरु असलायचं पाहायला मिळत आहे. विद्या चव्हाण यांनी चित्रा वाघ बद्दल मोठा खुलासा करणार असलयाचे सांगितले, माझ्याकडच्या पेन पेनड्राईव्हमध्ये चित्रा वाघ यांचे कारनामे असून आज तीन वाजता त्यांचे कारनामे समोर आणणार असल्याचे बोलले होते, याच पार्श्ववभूमीवर आता चित्रा वाघ यांनी तातडीने पत्रकार परिषद आयोजित केली आहे.
विद्या चव्हाण यांनी मोठा दावा केला आहे की, चित्रा वाघ यांचे कारनामे माझ्याकडच्या पेनड्राईव्हमध्ये आहेत, ‘तुझ्यासारख्या खोटारड्या, बनेल आणि ब्लॅकमेलिंग करणारी महिला पक्षात मोठं पद मिळवण्यासाठी काहीही करू शकते. हे आमच्याशिवाय जवळून कोणी पाहिलंय… माझ्याकडे असणाऱ्या पेनड्राईव्हमध्ये चित्रा वाघ काय-काय बोलते… तिची सगळे कारनामे आहेत.’, असं विद्या चव्हाण यांनी म्हणत चित्रा वाघ याना एक प्रकारे इशारा दिला होता.
मात्र, विद्या चव्हाण यांनी पेनड्राईव्हमधील व्हिडीओ माध्यमांसमोर दाखवण्या आधीच चित्रा वाघ यांनी पत्रकार परिषद घेत चव्हाण यांच्यावर चांगलेच ताशेरे ओढले आहेत. चित्रा वाघ या पत्रकार पिरषदेत चांगल्याच आक्रमक झाल्याचे पहायला मिळाले. यावेळी चित्रा वाघ यांनी त्या पेन ड्राइव्हची पुंगळी कर आणि कुठे ठेवायचे ते ठेव. असं म्हणत विद्या चव्हाण यांचा एकेरी उल्लेख करत त्यांच्या सुनेबाबत घडलेला सर्व प्रकार सांगितला आहे.
काय आहे प्रकरण?
चित्रा वाघ यांनी विद्या चव्हाण यांच्यावर गंभीर आरोप केले आहेत. माजी आमदार विद्या चव्हाण यांच्या धाकट्या मुलाने थोरल्या सुनेवर हात टाकला, तिचा विनयभंग केला, असा सनसनाटी आरोप चित्रा वाघ यांनी केला. विद्या चव्हाण यांनी आज पत्रकार परिषद घेऊन चित्रा वाघने माझ्या सुनेला घरगुती वादातून फूस लावली असा अरोप केला होता, त्यानंतर दोघींमध्ये टोकाचा वाद पेटल्याचे पहायला मिळाले.
