केंद्रीय लोकसेवा आयोग म्हणजेच UPSC ला नवे अध्यक्ष मिळाले आहेत. 1983 च्या बॅचच्या आंध्र प्रदेश कॅडरच्या IS अधिकारी प्रीती सुदान यांची UPSC चे नवीन अध्यक्ष म्हणून नियुक्ती करण्यात आली आहे. प्रीती सुदान यांना प्रशासकीय कामाचा 37 वर्षांचा अनुभव आहे. त्या 4 वर्षांपूर्वी म्हणजेच जुलै 2020 मध्ये केंद्रीय आरोग्य मंत्रालयाच्या सचिव पदावरून निवृत्त झाल्या आहेत. प्रीती सुदान या कोरोना महामारीच्या काळात आरोग्य सचिव होत्या आणि त्यांनी कोरोनाला सामोरे जाण्यासाठी अनेक रणनीतीही बनवल्या होत्या.
मनोज सोनी यांच्या राजीनाम्यानंतर UPSC चेअरमन पद रिक्त झाले होते, त्यानंतर आता UPSC च्या नवीन अध्यक्षांची नियुक्ती करण्यात आली आहे. प्रीती सुदान यांनी 37 वर्षांच्या कार्यकाळात, IAS प्रीती सुदान यांनी भारत सरकारच्या अनेक मंत्रालयांमध्ये काम केले आहे. प्रीती सुदान यांनी महिला आणि बालविकास मंत्रालयात काम केले. याशिवाय त्यांनी संरक्षण मंत्रालयाचे सचिव म्हणूनही काम केले. त्यांना अन्न व सार्वजनिक वितरण विभागातही नियुक्ती मिळाली. त्यांनी आरोग्य सचिव म्हणून काम पाहिले. आपल्या सेवेदरम्यान प्रीती नेहमीच तिच्या प्रशंसनीय कामांमुळे चर्चेत राहिली. प्रीती सुदान यांनी केंद्राच्या महत्त्वाच्या योजना, बेटी बचाओ-बेटी पढाओ आणि आयुष्मान भारत योजनांवर काम केले आहे.
याशिवाय त्यांनी नॅशनल मेडिकल कमिशन आणि अलाईड हेल्थ प्रोफेशनल कमिशनच्या स्थापनेतही योगदान दिले आहे. विशेष म्हणजे त्यांनी ई-सिगारेटवर बंदी घातली होती, ज्याची खूप चर्चा झाली होती. त्यांनी आंध्र प्रदेशात वित्त विभाग, नियोजन विभाग, आपत्ती व्यवस्थापन पर्यटन इत्यादी विभागांमध्येही काम केले. प्रीती सुदान यांनी जागतिक बँकेच्या सल्लागार म्हणूनही काम केले आहे. आता त्या UPAC चे अध्यक्ष म्हणून काम पाहणार आहे.
