Maharashtra : बांगलादेशात सुरु असलेल्या आंदोलनात अडकलेल्या विद्यार्थ्यांच्या सुरक्षेसाठी महाराष्ट्राचे मुख्यमंत्री एकनाथ शिंदे यांनी मोठे पाऊल उचलले आहे. बांगलादेशात अडकलेल्या महाराष्ट्रातील विद्यार्थ्यांच्या सुरक्षिततेसाठी आणि परतीसाठी त्यांनी परराष्ट्र मंत्रालयाशी संपर्क साधला. मुख्यमंत्र्यांनी या विद्यार्थ्यांना तात्काळ मदत आणि त्यांना भारतात परत आणण्याच्या व्यव्सथेवर चर्चा केली.
बांगलादेशातील अशांततेमुळे काही विशिष्ट भागात अडकलेल्या विद्यार्थ्यांच्या सुरक्षेबाबत प्रश्न निर्माण झाले आहेत. या पार्श्वभूमीवर शिंदे यांनी परराष्ट्र मंत्रालयाशी संपर्क साधून तेथे शिक्षणासाठी गेलेल्या महाराष्ट्रातील विद्यार्थ्यांच्या सुरक्षेबाबत विचारणा केली आहे. यावेळी त्यांनी बांगलादेशातील परिस्थिती गांभीर्याने घेतली आणि तातडीने कारवाई करण्याची गरज व्यक्त केली.
बांगलादेशात अडकलेल्या विद्यार्थ्यांची यादी मंत्रालयाला देण्यात आली
मुख्यमंत्री एकनाथ शिंदे यांनी परराष्ट्र मंत्रालयाला विनंती केली आहे की, तेथे अडकलेल्या विद्यार्थ्यांना शक्य ती सर्व मदत करावी आणि तात्काळ सुरक्षा सुनिश्चित करावी. यावेळी त्यांनी परराष्ट्र मंत्रालयाशीही चर्चा केली की, गरज भासल्यास विद्यार्थ्यांना बांगलादेशातील सुरक्षित ठिकाणी हलवावे आणि त्यांच्या सुरक्षित भारतात परतण्याची प्रक्रिया वेगवान करावी.
याशिवाय, मुख्यमंत्र्यांनी परराष्ट्र मंत्रालयाला राज्यातील विद्यार्थ्यांची यादी देखील दिली आहे, जी सध्या बांगलादेशमध्ये अडकलेल्या विद्यार्थ्यांची माहिती मिळवण्यासाठी आणि त्यांना मदत करण्यासाठी परराष्ट्र मंत्रालयाला देण्यात आली आहे. त्यामुळे या विद्यार्थ्यांशी लवकरात लवकर संपर्क साधून त्यांना मदत करणे शक्य होणार आहे.
पूढे एकनाथ शिंदे म्हणाले, ‘विद्यार्थ्यांच्या सुरक्षेला सर्वोच्च प्राधान्य आहे. त्यांच्या देशात परतण्यासाठी आवश्यक ती सर्व पावले उचलली जात आहेत. या कठीण काळात राज्य सरकार पीडित विद्यार्थ्यांच्या कुटुंबीयांच्या पाठीशी पूर्ण ताकदीने उभे राहील, असेही ते म्हंटले आहेत.
