दिल्ली सरकारने प्रवाशांचा प्रवास सुरक्षित व सुरळीत होण्यासाठी एक महत्वाचा निर्णय घेतला आहे. दिल्लीचे परिवहन मंत्री कैलास गहलोत यांनी सरकारी बसेससाठी सुरक्षा सूचना जारी केल्या आहेत. आता सर्व चालक वाचकांचे वेळापत्रक हे आधार आधारित असणार आहे. गेल्या दोन वर्षांमध्ये तब्बल २०० नवीन बसेस दिल्ली ट्रान्सपोर्ट महामंडळमध्ये सामील झाल्या असल्याचे गहलोत यांनी पत्रकारी परिषदेत सांगितले.
पत्रकार परिषदेत कैलास गहलोत म्हणाले, ” महत्त्वाचे म्हणजे आमच्या बसेसची रस्त्यावरील कामगिरी कशी आहे हे पाहावे लागेल. अलीकडे लेन ड्रायव्हिंगवर खूप भर दिला जात आहे. गेल्या काही दिवसांत काही अपघातही झाले आहेत. काही समस्या आमच्या लक्षात आल्या आहेत, जसे की काही ड्रायव्हर्स एकाधिक कर्तव्ये करतात, ज्यामुळे थकवा येतो. दिल्ली सरकारी बस दररोज किमान 200 किमी धावतात. 8 तासांनंतर चालकाला विश्रांती द्यावी, अशीही तरतूद करण्यात आली आहे.”
डेपोमध्ये बायोमेट्रिक चेहरा ओळखण्याची यंत्रणा बसविली जात आहे. तरीही आमच्याकडे तक्रारी आल्यास आगार व्यवस्थापकालाही जबाबदार धरून त्यांच्यावर कारवाई केली जाईल.जे चालक सक्षमपणे आणि सुरक्षितपणे वाहन चालवू शकत नाहीत त्यांना कामावरून काढून टाकले जाईल, असे परिवहन मंत्री कैलास गहलोत यांनी सांगितले.
