इस्त्राईलचा गाझामध्ये सातत्याने बॉम्बफेक आणि हवाई हल्ले करत आहे. या हल्ल्यात आतापर्यंत 100 हून अधिक पॅलेस्टिनी नागरिकांचा मृत्यू झाल्याची माहिती आहे. पॅलेस्टिनी न्यूज एजन्सी WAFA चा हवाला देत रॉयटर्सने वृत्त दिले आहे की पूर्व गाझामधील विस्थापित लोकांच्या शाळेवर इस्रायलने केलेल्या हल्ल्यात 100 हून अधिक लोक ठार झाले आहेत आणि अनेक जखमी झाले आहेत. हमास संचालित गाझा सरकारच्या मीडिया कार्यालयानुसार, लोक प्रार्थना करत असताना हा हल्ला झाला.

गेल्या आठवड्यात गाझामध्ये चार शाळांवर हल्ला करण्यात आला होता. 4 ऑगस्ट रोजी गाझा शहरातील विस्थापित लोकांसाठी आश्रयस्थान म्हणून काम करणाऱ्या दोन शाळांवर इस्रायली हल्ल्यात 30 लोक ठार आणि अनेक जखमी झाले. यापूर्वी गाझा शहरातील हमामा शाळेवर इस्रायलने केलेल्या हल्ल्यात 17 जणांचा मृत्यू झाला होता. 1 ऑगस्ट रोजी दलाल अल-मुगराबी शाळेवर इस्रायली हल्ल्यात 15 लोक मारले गेले. इस्रायलचा दावा आहे की कंपाऊंडमध्ये “दहशतवादी” आहेत जे “हमास कमांड कंट्रोल सेंटर” म्हणून काम करत आहेत.

7 ऑक्टोबर 2023 रोजी पॅलेस्टिनी गट हमासने गाझा पट्टीतून दक्षिण इस्रायलच्या गाझा भागात सशस्त्र घुसखोरी करून इस्रायलवर अचानक हल्ला केला. ही पॅलेस्टाईनची दशकांतील सर्वात मोठी चकमक मानली जात होती. या काळात सुमारे 1,200 लोक मारले गेले आणि अनेकांना कैद करण्यात आले. इस्रायलने याला युद्धपातळीवर प्रत्युत्तर दिले आणि हा संघर्ष सध्याही सुरू आहे. हल्ल्यानंतर इस्रायल गाझामधील शाळांसह इमारतींवर सातत्याने हल्ले करत आहे. 10 महिन्यांपासून चाललेल्या या युद्धात गाझामध्ये 40,000 हून अधिक पॅलेस्टिनी मारले गेले आहेत. युद्धग्रस्त किनारपट्टी पॅलेस्टिनी भागात युद्धविरामासाठी चर्चेच्या अनेक फेऱ्या झाल्या आहेत, मात्र अद्याप त्यात कोणतेही यश आलेले नाही.