Hindenburg Founder : अमेरिकन शॉर्ट सेलर फर्म हिंडेनबर्ग… हे नाव गेल्या वर्षी 2023 च्या सुरुवातीला चर्चेत होते, ज्यांनी जगातील टॉप-3 श्रीमंतांमध्ये समाविष्ट असलेल्या भारतीय अब्जाधीश गौतम अदानी यांच्याबद्दल काही खुलासे केले होते. हिंडेनबर्गच्या या रिपोर्टनंतर अब्जाधीश गौतम अदानी काही वेळातच अब्जाधीशांच्या यादीतून बाहेर पडले. आता सुमारे 18 महिन्यांनंतर, पुन्हा हे नाव चर्चेत आहे, आता हिंडेनबर्गने भारतातील बाजार नियामक सेबीला लक्ष्य केले आहे.
हिंडेनबर्ग अहवालात सेबी प्रमुख माधबी पुरी बुच आणि त्यांच्या पतीवर अदानी समूहाशी असलेल्या संबंधांचा हवाला देत गंभीर आरोप केले आहेत.
हिंडेनबर्गने सेबीच्या अध्यक्षा माधबी पुरी बुच आणि त्यांचे पती धवल बुच यांना लक्ष्य केले आहे. शनिवारी संध्याकाळी जारी केलेल्या अहवालात, सेबीच्या अध्यक्षा माधबी पुरी बुच यांचा अदानी घोटाळ्याशी संबंध असल्याचा हिंडेनबर्गचा दावा आहे. हिंडेनबर्गच्या नवीन अहवालात अदानी समूह आणि सेबी प्रमुख माधबी पुरी बुच यांच्यात संबंध असल्याचा दावा करणारे अनेक आरोप करण्यात आले आहेत.
हिंडेनबर्गने शेअर केलेल्या रिपोर्टमध्ये असे दिसून आले आहे की सेबीच्या अध्यक्षा माधबी पुरी बुच यांनी अदानी मनी सिफनिंग घोटाळ्यात वापरल्या जाणाऱ्या ऑफशोअर संस्थांमध्ये भागीदारी केली होती, आणि भारताबाहेरील ज्या संस्थांमधील पैशांचा वापर अदानी समूहातील विनोद अदाणींनी आर्थिक गैरव्यवहारासाठी केला. त्या दोन देशातील संस्थांमध्ये सेबी अध्यक्षा माधवी पुरी बुच यांची भागीदारी होती, माधबी बुच आणि त्यांचे पती धवल बुच यांनी 5 जून 2015 रोजी सिंगापूरमधील IPE प्लस फंड 1 मध्ये त्यांचे खाते उघडले. आयआयएफएल फंडाच्या घोषणेत गुंतवणुकीचा स्त्रोत पगार असल्याचे म्हटले, असेही या हिंडनबर्गने रिपोर्टमध्ये म्हटले आहे.
माधबी बुच यांनी हिंडेनबर्गचे हे आरोप फेटाळत त्याला बिनबुडाचे म्हंटले आहे. ‘आमचे आर्थिक व्यवहार उघड आहेत आणि गेल्या काही वर्षांपासून SEBI ला आवश्यक माहिती दिली आहे. तसेच कोणतीही आर्थिक कागदपत्रे उघड करण्यास आम्हाला कोणताही संकोच वाटत नाही,”
हिंडेनबर्गचे संस्थापक नॅथन अँडरसन आहेत. अमेरिकेतील कनेक्टिकट विद्यापीठातून इंटरनॅशनल बिझनेसमध्ये पदवी घेतल्यानंतर नॅथनने नोकरी शोधण्यास सुरुवात केली. यानंतर त्यांनी एका डेटा रिसर्च कंपनीत काम करायला सुरुवात केली आणि पैशाच्या गुंतवणुकीशी संबंधित संशोधन केले. काम करत असताना त्यांनी डेटा आणि शेअर मार्केटची गुंतागुंत जाणून घेतली आणि त्यांना समजले की शेअर मार्केट हे जगातील भांडवलदारांचे सर्वात मोठे केंद्र आहे.
काम करत असताना, नॅथन अँडरसनला समजू लागले की शेअर बाजारात बऱ्याच गोष्टी घडत आहेत, ज्या सामान्य लोकांच्या समजण्याच्या पलीकडे आहेत. येथूनच स्वत:ची संशोधन कंपनी सुरू करण्याचा आणि कंपन्यांचा खुलासा करून त्यामध्ये शॉर्ट चेंज करण्याचा विचार त्याच्या मनात आला. यावर पुढे जाऊन त्यांनी नोकरी सोडली आणि 2017 मध्ये हिंडनबर्ग नावाची स्वतःची कंपनी सुरू केली. विशेष बाब म्हणजे त्यांनी आपल्या संशोधन कंपनीचे नाव 6 मे 1937 रोजी न्यू जर्सीच्या मँचेस्टर टाउनशिपमध्ये झालेल्या हिंडेनबर्ग एअरशिपच्या अपघातावरून ठेवले.
हिंडेनबर्ग अशा प्रकरणांवर संशोधन करतात?
नॅथन अँडरसनच्या हिंडेनबर्ग या रिसर्च फर्मचे मुख्य काम स्टॉक मार्केट, इक्विटी, क्रेडिट आणि डेरिव्हेटिव्ह्जवर संशोधन करणे आहे. या संशोधनाद्वारे, कंपनी शेअर बाजारात पैशाचा चुकीचा गैरवापर होत आहे की नाही हे शोधून काढते. बड्या कंपन्या स्वतःच्या फायद्यासाठी त्यांच्या खात्यांचे गैरव्यवस्थापन करत आहेत का? कोणतीही कंपनी, स्वत:च्या फायद्यासाठी, शेअर बाजारातील शेअर्सवर चुकीच्या पद्धतीने सट्टेबाजी करून इतर कंपन्यांचे नुकसान करत आहे का? या सर्व मुद्यांवर सखोल संशोधन केल्यानंतर कंपनी सविस्तर अहवाल तयार करून ते प्रसिद्ध करते.
उत्पन्नाचे स्रोत काय?
हिंडनबर्गला कसे पैसे मिळतात ते पाहूया, नॅथन अँडरसनची ही कंपनी केवळ एक गुंतवणूक फर्म नाही तर एक शॉर्ट सेलिंग कंपनी देखील आहे. कंपनीचे प्रोफाईल बघितले तर ती एक ॲक्टिव्हिस्ट शॉर्ट सेलर आहे आणि याद्वारे कोट्यवधी रुपये कमावते. शॉर्ट सेलिंग हा एक प्रकारचा व्यापार किंवा गुंतवणूक धोरण आहे. यामध्ये, एखादी व्यक्ती विशिष्ट किंमतीला स्टॉक किंवा सिक्युरिटीज खरेदी करते आणि नंतर किंमत जास्त असेल तेव्हा त्यांची विक्री करते, ज्यामुळे प्रचंड नफा होतो.