Himachal Flood : हिमाचल प्रदेशात गेल्या दोन दिवसांत झालेल्या मुसळधार पावसामुळे भूस्खलन आणि अचानक आलेल्या पुरामुळे 280 हून अधिक रस्ते बंद झाले आहेत. अधिकाऱ्यांनी दिलेल्या माहितीनुसार, शनिवारी 150 रस्ते बंद करण्यात आले. या पावसामुळे उनामध्ये अनेक घरांमध्ये शिरले आहे. लाहौल आणि स्पिती पोलिसांनी रहिवाशांना आणि प्रवाशांना अत्यंत सावधगिरी बाळगण्याची आणि जल पातळी झपाट्याने वाढत असल्याने जाहलमन नाल्या ओलांडू नका असा सल्ला दिला आहे.
आतापर्यंत 100 हून अधिक लोकांचा मृत्यू
31 जुलै रोजी कुल्लू, मंडी आणि शिमला जिल्ह्यात अचानक आलेल्या पुरानंतर बेपत्ता झालेल्या सुमारे 30 लोकांचा शोध घेण्यासाठी बचाव कार्य सुरू आहे, परंतु कोणतेही मोठे यश मिळाले नाही.
आतापर्यंत 28 मृतदेह बाहेर काढण्यात आले आहेत. अधिकाऱ्यांनी सांगितले की, या पुरात 100 हून अधिक लोकांचा मृत्यू झाला आहे आणि 27 जून ते 9 ऑगस्ट दरम्यान राज्याचे सुमारे 842 कोटी रुपयांचे नुकसान झाले आहे. 288 पैकी शुक्रवारी 138 आणि शनिवारी 150 रस्ते बंद होते.
‘या’ ठिकाणचे रस्ते पाण्याखाली
स्टेट इमर्जन्सी ऑपरेशन सेंटरच्या आकडेवारीनुसार, मंडीमध्ये 96, शिमल्यात 76, कुल्लूमध्ये 37, सिरमौरमध्ये 33, चंबामध्ये 26, लाहौल आणि स्पीतीमध्ये 7, हमीरपूरमध्ये पाच आणि कांगडा आणि किन्नौरमध्ये प्रत्येकी चार रस्ते बंद आहेत.
आणखी काही दिवस मुसळधार पावसाचा इशारा
मुसळधार पावसामुळे राज्यातील ४५८ वीज आणि ४८ पाणीपुरवठा योजनाही प्रभावित झाल्या आहेत. प्रादेशिक हवामान कार्यालयाने रविवारी बिलासपूर, चंबा, हमीरपूर, कुल्लू, कांगडा, मंडी, शिमला, सोलन, सिरमौर आणि उना या पाच जिल्ह्यांमध्ये मुसळधार ते अति मुसळधार पावसाचा ऑरेंज अलर्ट जारी केला. विजांच्या कडकडाटासह पाऊस पडेल असे सांगण्यात आले.
‘या’ जिल्ह्यांमध्ये पुराचा धोका
हवामान खात्याने चंबा, हमीरपूर, कुल्लू, मंडी, सिरमौर आणि शिमला जिल्ह्यांच्या वेगळ्या भागांमध्ये कमी ते मध्यम फ्लॅश पूर येण्याचा इशारा दिला आहे. जोरदार वारा आणि सखल भागात पाणी साचल्याने बागा, पिके, कमकुवत बांधकामे आणि ‘कच्चा’ घरांचे नुकसान होऊ शकते.
1 जूनपासून सुरू झालेल्या मान्सूनमध्ये हिमाचल प्रदेशात 10 ऑगस्टपर्यंत पावसाची कमतरता 28 टक्के होती आणि हिमाचल प्रदेशात सरासरी 455.5 मिमीच्या तुलनेत 328.8 मिमी पाऊस पडला.
