Sanjay Raut : बारामती लोकसभा मतदारसंघात राष्ट्रवादी काँग्रेस शरद पवार पक्षाच्या सुप्रिया सुळे यांनी राष्ट्रवादी काँग्रेस अजित पवार गटाच्या सुनेत्रा पवार यांचा पराभव करत विजय मिळवला. बारामती मतदार संघातील नणंद-भावजय ही लढाई चांगलीच रंगली होती आणि चर्चेचा विषय देखील ठरली होती, यावरच उपमुख्यमंत्री अजित पवार यांची मोठी प्रतिक्रिया दिली.
लोकसभा निवडणुकीत बारामती मतदारसंघातून सुप्रिया सुळे यांच्याविरोधात सुनेत्रा पवार यांना रिंगणात उतरवणे, ही एक मोठी चूक असल्याचे त्यांनी म्हंटले होते. यावरच आता संजय राऊत यांनी अजित पवारांना खोचक टोला लगावत अजित पवारांना उपरती का झाली? माहिती नाही. काकांचा सल्ला जोपर्यंत घेत होते तोपर्यंत त्यांचं बरं सुरू होतं. असं म्हंटल आहे.
रक्षाबंधनाला काही दिवस शिल्लक असतानाचं अजित पवार यांची ही कबुली चर्चेचा विषय ठरली. अजित पवार रक्षाबंधनाच्या सणाला सुप्रिया सुळे यांना भेटायला जाणार का? असा प्रश्न उपस्थित झाला आहे. यावर संजय राऊत म्हणाले, अजितदादा राखी बांधायला सुप्रिया सुळेंकडे जातील तेंव्हा त्या काय करतील याकडे महाराष्ट्र पाहतोय. त्यांच्यासाठी अख्खा महाराष्ट्र लढला आहे.” असं म्हंटले आहे.
सरकारवरही केली टीका
‘महायुतीचा लोकसभेत दारूण पराभव झाला, काही जागा कमी फरकानं पडल्या. लाडक्या बहिणींना पैसे मिळालेच पाहिजे, आमचं सरकार आल्यावर या योजनेचे पैसे वाढवू. या आधी फुटलेले लाडके आमदार, लाडके खासदार यांच्यापलीकडे यांना काही दिसत नव्हते.
निवडणुका वेळेत घ्याव्याच लागतील. नितीन देशमुखांना सातत्याने त्रास दिला जातोय. पण ते विकल्या गेले नाहीत. ते मोदी-शहांच्या तुरूंगाच्या भिंती फोडून आलेत. मोदी, शहा, फडणवीस यांनी जेवढं महाराष्ट्राचं नुकसान केलं तेव्हढं नुकसान गेल्या 100 वर्षांत कुणी केलं नाही.’ असा हल्लाबोल संजय राऊत यांनी केला आहे.
