भारतरत्न माजी पंतप्रधान अटलबिहारी वाजपेयी यांच्या पुण्यतिथीनिमित्त आज दिल्लीमध्ये सकाळी प्रार्थना सभेचे आयोजन करण्यात आले होते. राष्ट्रपती द्रौपदी मुर्मू, उपराष्ट्रपती जगदीप धनखर, पंतप्रधान नरेंद्र मोदी, संरक्षण मंत्री राजनाथ सिंह, लोकसभा अध्यक्ष ओम बिर्ला आणि केंद्रीय मंत्रिमंडळातील अनेक सदस्य आणि राजकारण्यांनी राजघाट जवळील त्यांच्या ‘सदैव अटल’ या स्मृतीस्थळावर पुष्पहार अर्पण करत अटलजींना श्रद्धांजली वाहिली आहे.
भारतीय जनता पक्षाचे सर्वात प्रसिद्ध नेते आणि भारतीय राजकारणात अजातशत्रू म्हणून ओळखले जाणारे कवी हृदयाचे पंतप्रधान म्हणून ओळखले जाणारे अटलबिहारी वाजपेयी यांचे वयाच्या 94 व्या वर्षी 16 ऑगस्ट 1998 रोजी निधन झाले. 25 डिसेंबर 1924 रोजी जन्मलेले अटलबिहारी वाजपेयी हे राष्ट्रीय स्वयंसेवक संघाचे प्रचारक होते आणि त्यानंतर त्यांनी जनसंघातून राजकीय प्रवास सुरू केला . त्यानंतर भारतीय जनता पक्षाचे पहिले पंतप्रधान म्हणून 1996 मध्ये 13 दिवस सरकार स्थापन करणारे पहिले नेते बनले. यानंतर ते 1998 ते 2004 पर्यंत दोनदा पंतप्रधान म्हणून निवडून आले.आपल्या नावाप्रमाणेच अटलजींनी भारतीय राजकारणात आपली अनोखी आणि चिरस्थायी छाप सोडली. म्हणूनच त्यांच्या मृत्यूनंतर त्यांच्या स्मृतीस्थळाला ‘सदैव अटल’ असे नाव देण्यात आले आहे, जिथे दरवर्षी 16 ऑगस्ट रोजी भाजपचे ज्येष्ठ नेते आणि कार्यकर्ते त्यांना आदरांजली वाहण्यासाठी जमतात.
आज सकाळी ‘सदैव अटल’ यांना आदरांजली वाहणाऱ्यांमध्ये राष्ट्रपती, उपराष्ट्रपती, पंतप्रधान, संरक्षण मंत्री, लोकसभा अध्यक्ष तसेच भारतीय जनता पक्षाचे राष्ट्रीय अध्यक्ष आणि केंद्रीय आरोग्य मंत्री जे.पी. नड्डा, अर्जुन राम मेघवाल, जीतन यांची प्रमुख उपस्थिती होती. त्याचबरोबर राम मांझी, जयंत चौधरी, हर्ष मल्होत्रा, अटलजींच्या दत्तक कन्या नमिता कौल भट्टाचार्य, दिल्ली राज्याचे अधिकारी आणि खासदार इत्यादी उपस्थित होते.
