मुंबई : महाराष्ट्र राज्य कॅबिनेट मंत्रिमंडळाची बैठक आज पार पडली. या बैठकीमध्ये महायुती सरकारने काही महत्वाचे निर्णय घेतले. या बैठकीला तब्येतीच्या कारणास्तव उपमुख्यमंत्री अजित पवार प्रत्यक्ष उपस्थित नव्हते मात्र ऑनलाईन उपस्थित होते. राज्य मंत्रिमंडळाच्या आजच्या बैठकीत एकूण 10 महत्त्वाचे निर्णय घेण्यात आले. तसेच यावेळी मुख्यमंत्री माझी लाडकी बहीण योजनेमुळे अन्य कोणत्याही योजना बंद होणार नाहीत. असे देखील सांगितले आले आहे. या बैठकीत कोणते 10 निर्णय घेण्यात आले जाणून घेऊया…

राज्य कॅबिनेट मंत्रिमंडळाच्या बैठकीतील संक्षिप्त निर्णय 

(सार्वजनिक बांधकाम)

पुणे- छत्रपती संभाजीनगर
सध्याच्या राष्ट्रीय महामार्गाची सुधारणा करणार

(पशुसंवर्धन विभाग)

अमरावती जिल्ह्यात नवीन मत्स्य विज्ञान महाविद्यालयासाठी जागा देणार

(वस्त्रोद्योग विभाग)

शेवगाव तालुक्यातील सहकारी सूतगिरणीस अर्थसहाय्य

(कृषी विभाग)

बिरसा मुंडा कृषी क्रांती योजनेचे निकष सुधारले. विहिरी, शेततळे, वीज जोडणीसाठी भरीव अनुदान

(महिला व बालविकास)

अंगणवाडी केंद्रांना सौर ऊर्जा संच देणार. ३६ हजारापेक्षा जास्त केंद्रे प्रकाशमान होणार

(कामगार विभाग)

औद्योगिक कामगार न्यायालयातल्या न्यायिक अधिकाऱ्यांना सुधारित भत्ते

(पशुसंवर्धन विभाग)

थकबाकी देणाऱ्या कुक्कुटपालन संस्थांना दंडनीय व्याजाची रक्कम माफ.

(जलसंपदा विभाग)

धारूर तालुक्यातील सुकळी गावाचे विशेष भाग म्हणून पुनर्वसन करणार

(विधी व न्याय विभाग)

काटोल, आर्वी, येथे वरिष्ठ दिवाणी न्यायाधीश न्यायालय
पैठण, गंगापूर येथे जिल्हा अतिरिक्त न्यायालय
हिंगोली स्वतंत्र न्यायिक जिल्हा

इतर

( मदत व पुनर्वसन)

लाडकी बहिणी योजनेमुळे अन्य कोणत्याही योजना बंद होणार नाहीत.
शेतकरी कुटुंबांना मदत बंद केल्याचे वृत्त चुकीचे

(कृषी विभाग)

राज्यात १२१ टक्के पेरण्या

(जलसंपदा विभाग)

राज्यातील मोठी धरणे २०१८ नंतर प्रथमच शंभर टक्के भरली

( महिला व बालकल्याण)

मुख्यमंत्री माझी लाडकी बहीण योजना: सुमारे १ कोटी ६० लाख भगिनींना ४७८७ कोटींचे वाटप.