Rahul Gandhi : काँग्रेस नेते राहुल गांधी नुकतेच अमेरिकेच्या (Congress leader Rahul Gandhi) दौऱ्यावर गेले होते. यावेळी त्यांनी भाजप (BJP) आणि आरएसएसवर निशाणा साधला होता. तसेच या दौऱ्यावर त्यांनी शिखांबाबत वादग्रस्त विधानही केले होते. ज्यावरून देशातले राजकारण चांगलेच तापले. त्यांच्या या वक्तव्यानंतर विरोधकांकडून त्यांच्यावर जोरदार टीका करण्यात आली. अशातच आता शिवसेनेचे आमदार संजय गायकवाड यांनी त्यांच्यावर असे काही वक्तव्य केले आहे ज्यामुळे हा वाढ आणखी वाढण्याची शक्यता आहे.

शिवसेनेचे आमदार संजय गायकवाड हे नेहमीच त्यांच्या वक्तव्यामुळे चर्चेत असतात. आणि यावेळी त्यांनी असे काही वक्तव्य केले आहे. ज्यामुळे ते पुन्हा चर्चेत आले आहेत. नेमके काय म्हणाले संजय गायकवाड? वाचा…

आमदार संजय गायकवाड यांनी, राहुल गांधींची जीभ कापणाऱ्याला 11 लाख रुपयांचे बक्षीस दिले जाईल, असे वक्तव्य केले आहे, ज्यामुळे सध्या सर्वत्र त्यांच्या या वक्तव्याची चर्चा होत आहे. त्यांच्या या वक्तव्यामुळे आता हे प्रकरण आणखी तापू शकते. त्यांच्या विधानावर आता राहुल गांधी यांच्याकडून काय प्रक्रिया येणार हे येणारा काळच सांगेल. संजय गायकवाड यांच्याआधी केंद्रीय मंत्री रवनीत सिंह बिट्टू यांनीही असेच काहीसे वक्तव्य केले आहे.

#WATCH | Maharashtra: Shiv Sena MLA from Buldhana, Sanjay Gaikwad, makes objectionable remarks about Lok Sabha LoP and Congress MP Rahul Gandhi

He says, "The kind of statement given by Congress leader Rahul Gandhi has revealed the real face of Congress. In the Lok Sabha… pic.twitter.com/fN5ro5Nt9P

— ANI (@ANI) September 16, 2024

राहुल गांधी यांच्या शिखांबाबतच्या वक्तव्यावर केंद्रीय मंत्री रवनीत सिंह बिट्टू म्हणाले, “राहुल गांधी हे भारतीय नाहीत, त्यांनी त्यांचा बहुतांश वेळ बाहेर घालवला आहे. ते आपल्या देशावर फारसे प्रेम करत नाही. तसेच ते नेहमीच परदेशात जाऊन देशाबद्दल चुकीची वक्तव्य करतात, राहुल गांधी हे नंबर एकचे दहशवादी आहेत” असे वक्तव्य बिट्टू यांनी केले आहे.