Sangram Singh : भारतीय कुस्तीपटू संग्राम सिंगने नवा इतिहास रचला आहे. त्याने गामा इंटरनॅशनल फायटिंग चॅम्पियनशिपमध्ये 93 किलो गटात विजय मिळवत हा इतिहास रचला आहे. जॉर्जिया येथे खेळल्या जात असलेल्या या चॅम्पियनशिपमध्ये संग्राम सिंगने पाकिस्तानी फायटर अली राजा नसीरचा अवघ्या 1 मिनिट 30 सेकंदात पराभव केला. संग्राम सिंगची एमएमएमधली ही पहिलीच लढत होती आणि त्याने नवा विक्रम केला.
यासह संग्राम सिंग MMA सामना जिंकणारा पहिला भारतीय पुरुष कुस्तीपटू ठरला आहे. संग्राम सिंगने 93 किलो वजनी गटात कोणत्याही भारतीय फायटरने सर्वात कमी वेळात मिळवलेल्या विजयाचा विक्रमही केला. संग्राम सिंग याने MMA मध्ये पदार्पण करताच त्याचा पहिलाच सामना पाकिस्तानी कुस्तीपटू विरुद्ध होता. अशास्थितीत संग्रामसिंग कशी कामगिरी करणार याकडे सर्वांच्या नजरा होत्या. मात्र, पाकिस्तानी फायटरला पराभूत करत त्याने इतिहास रचला आहे. या विजयानंतर त्याने आपल्या भावना व्यक्त केल्या आहेत.
Thank you everyone for your love & wishes. We won our debut MMA fight 🙏🇮🇳#sangramsingh#mma#gamafc#mmafights pic.twitter.com/68w4fAxHNI
— SANGRAM U SINGH (@Sangram_Sanjeet) September 21, 2024
सामन्यानंतर झालेल्या संभाषणात संग्राम सिंहने आपल्या जबरदस्त विजयाबद्दल म्हंटले, ‘हा सामना भारताला जिंकून देण्यात मी यशस्वी झालो याचा मला अभिमान आहे. हा विजय MMA मध्ये भारताच्या चांगल्या भविष्यासाठी पहिले पाऊल आहे. मला वाटते की जेव्हा जागतिक स्तरावर याला ओळख मिळेल, तेव्हा भारत सरकार मिश्र मार्शल आर्ट्सबाबत आवश्यक पावले उचलेल आणि तरुणांना या खेळासाठी प्रेरित करेल. माझ्या या विजयामुळे अनेक तरुणांना प्रेरणा मिळेल आणि त्यांना MMA मध्ये यायचे आहे यात मला शंका नाही. माझ्या विजयात माझे प्रशिक्षक भूपेश कुमार यांचे खूप महत्त्वाचे योगदान होते. प्रत्येक टप्प्यावर ते माझ्यासोबत होते. याशिवाय माझे आंतरराष्ट्रीय प्रशिक्षक डेव्हिड सर यांनीही मला खूप पाठिंबा दिला. हे दोघे नसते तर माझी तयारी इतकी चांगली झाली नसती.’