भाषा, जात आणि प्रांतावर आधारित मतभेद आणि वाद मिटवून हिंदू समाजाला आपल्या सुरक्षेसाठी एकत्र यावे लागेल. समाज असा असावा ज्यात एकता, सद्भावना आणि बंधनाची भावना असली पाहिजे. असे राष्ट्रीय स्वयंसेवक संघ (आरएसएस) प्रमुख मोहन भागवत म्हणाले आहेत.
शनिवारी ते बारण येथील धन मंडी मैदानावर आयोजित स्वयंसेवक मेळाव्याच्या कार्यक्रमात संबोधित करत होते. यावेळी ते म्हणाले, भारताची जागतिक कीर्ती आणि प्रतिष्ठा हे एक मजबूत राष्ट्र असल्यामुळेच आहे. एखाद्या देशातील स्थलांतरितांच्या सुरक्षिततेची हमी तेव्हाच मिळते जेव्हा त्यांची मातृभूमी शक्तिशाली असते अन्यथा दुर्बल राष्ट्रातील स्थलांतरितांना तेथून निघून जाण्याचे आदेश दिले जातात.
भारत हे हिंदू राष्ट्र
ते पुढे म्हणाले, ‘भारत हे हिंदू राष्ट्र आहे. हिंदू हे नाव नंतर आले असले तरी आपण येथे प्राचीन काळापासून राहत आहोत. येथे राहणाऱ्या भारतातील सर्व पंथांसाठी हिंदू हा शब्द वापरला जात होता. हिंदू प्रत्येकाला आपले मानतात आणि सर्वांना स्वीकारतात.
भाषा, जात आणि प्रादेशिक विषमता आणि संघर्ष नष्ट करून हिंदू समाजाला आपल्या सुरक्षेसाठी एकत्र यावे लागेल, यावेळी त्यांनी संघटन, सद्भावना आणि परस्पर आदर असणारा समाज निर्माण करण्याचे देखील आवाहन केले.
पुढे त्यांनी लोकांच्या आचरणात शिस्त असावी, राज्याप्रती जबाबदारी आणि उद्दिष्टांप्रती समर्पण असावे. समाज हा केवळ एक व्यक्ती आणि त्यांच्या कुटुंबाभोवती बनलेला नसतो. समाज हा व्यापक असून त्याचा विचार करायला हवा ज्यामुळे आपल्याला आत्मिक समाधान मिळू शकते. असे देखील म्हणाले आहेत.
‘संघाची कोणाशीही तुलना होऊ शकत नाही’
पुढे त्यांनी हे देखील स्पष्ट केले हे काम फक्त आरएसएसचे नसून सगळ्यांनी एकत्र येणे गरजेचे आहे. पुढे ते म्हणाले की, आरएसएस प्रमाणे समाज बांधणीसाठी प्रयत्न करणारी जगात दुसरी कोणतीही संघटना नाही. ज्याप्रमाणे समुद्र अद्वितीय आहे, आकाश देखील अद्वितीय आहे, त्याच प्रकारे आरएसएस देखील अतुलनीय आहे. आरएसएसची मूल्ये प्रथम संघटनेच्या नेत्यांपर्यंत, त्यांच्यापासून स्वयंसेवकांपर्यंत आणि स्वयंसेवकांपासून कुटुंबांपर्यंत पोहोचतात आणि शेवटी समाजाला आकार देतात.’
