Cabinet Meeting Decision : आज दुपारी केंद्रीय निवडणूक आयोग पत्रकार परिषद (Election Commission of India) घेत महाराष्ट्र्रातील विधानसभा निवडणुकीची तारीख जाहीर करणार असल्याची शक्यता वर्तवली जात आहे. याच पार्श्ववभूमीवर आज राज्यात मंत्रिमंडळाची बैठक पार पडली. ही महायुती सरकारची शेवटची मंत्रिमंडळ बैठक (Cabinet Meeting) असण्याची शक्यता वर्तवली जात आहे. अशा स्थितीत आज राज्यसरकारकडून अनेक मोठे निर्णय घेण्यात आले आहेत.

मुख्यमंत्री एकनाथ शिंदे यांच्या अध्यक्षतेखाली आज (सोमवारी) पार पडलेल्या मंत्रिमंडळाच्या बैठकीत उपमुख्यमंत्री देवेंद्र फडणवीस, उपमुख्यमंत्री अजित पवार यांच्यासह मंत्रिमंडळातील सदस्य उपस्थित होते. ही बैठक सह्याद्री अतिथीगृहावर पार पडली. या बैठकीत महायुती सरकारकडून 19 निर्णय घेण्यात आले आहेत. कोणते आहेत हे निर्णय? पाहूया…

-आगरी समाजासाठी महामंडळ

१) मुंबईतल्या ५ प्रवेश मार्गांवरील पथकर (टोल) हलक्या वाहनांसाठी माफ. आज रात्री १२ वाजेपासून अंमलबजावणी.

२) आगरी समाजासाठी महामंडळ

३) समाजकार्य महाविद्यालयांमधील अध्यापकांना करिअर ॲडव्हान्समेंट स्किम

४) दमणगंगा एकदरे गोदावरी नदी जोड योजनेस मान्यता

५) आष्टी उपसा सिंचन योजनेस सुधारित मान्यता

६) वैजापूरच्या शनीदेवगाव बंधाऱ्यास प्रशासकीय मान्यता

७) राज्य शेती महामंडळाची जमीन एमआयडीसीला हस्तांतरित

८) पाचपाखाडी येथील जमीन ठाणे मनपास प्रशासकीय भवनासाठी

९) खिडकाळी येथील जमीन हायब्रिड स्किल विद्यापीठासाठी विनामूल्य

१०) राज्यात प्रधानमंत्री आवास योजना (शहरी ) २.० राबविणार

११) पुणे मेट्रो रेल टप्पा-२ मधील रेल्वे मार्गिंकांच्या कामांना मान्यता

१२) किल्लारीच्या शेतकरी सहकारी कारखान्याचे कर्ज व्याजासह माफ

१३) अडचणीतील सहकारी उपसा जलसिंचन योजनांचे थकीत कर्ज माफ

१४) मिरजच्या शासकीय वैद्यकीय महाविद्यालयात इमर्जन्सी मेडिसिनची ३ पदे

१५) खंड क्षमापित झालेल्या वैद्यकीय अधिकाऱ्यांना जुनी पेन्शन योजना

१६) मराठी भाषेविषयक जनजागृतीसाठी पंधरवडा

१७) अण्णासाहेब जावळे मराठवाडा विकास मंडळ अभ्यासगट

१८) ‘उमेद’साठी अभ्यासगट

१९) कौशल्य विद्यापीठास रतन टाटा यांचे नाव