कोल्हापूर: स्वयंप्रेरणेने आणि स्वयंस्फूर्तीने राष्ट्रसेवेचा विडा उचलणार्‍या व्यक्तींनी केवळ राष्ट्रकार्यासाठी निर्मिलेली संघटना म्हणजे राष्ट्रीय स्वयंसेवक संघ होय. आजही *हिंदू सारा एक आहे* याचा अखंड जागर करणाऱ्या रा. स्व. संघांचे आज शंभरव्या वर्षात पदार्पण होत आहे..

एक राष्ट्र म्हणून भारत हा हिंदू राष्ट्रच आहे. हिंदुत्व हेच राष्ट्रीयत्व आहे हा संघाचा मूलभूत विचार आहे. वर्षातून एकदा या विचाराची व्यापकता समाजासमोर प्रदर्शित होण्याची एक संधी विजयादशमीच्या निमित्ताने होणाऱ्या संचलनाच्या माध्यमातून दिसून येते..

संघांचे विजयादशमी संचलन आज उत्साहात संपन्न झाले. संघाच्या गणवेशात मोठ्या संख्येने स्वयंसेवक यामध्ये सहभागी झाले होते.

संघांचे विभाग संघचालक प्रताप अप्पा दड्डीकर आणि शहर संघ चालक प्रमोद ढोले यावेळी प्रमूख उपस्थिती होती.दरवर्षीप्रमाणे यंदाही सकाळी 8. 00 वाजता शहरातून संघाचे संचलन निघाले. रुईकर कॉलनी मैदानावर स्वयंसेवक शहराच्या विविध भागातून एकत्र आले. येथे भगव्या ध्वजाला वंदन करून संचलनाला सुरुवात झाली. ध्वज, त्या पाठोपाठ स्वयंवेसकांचा रांगा अशा शिस्तबद्द पद्धतीने संचलन निघाले.

संचलनाची सुरुवात रुईकर कॉलनी मैदान मधून करण्यात आली गणेश मंदिर,छत्रपती शिवाजी तरुण मंडळ,राज गौरव हॉल, महाराजा हॉटेल, पल्स हॉस्पिटलच्या मार्गे मुक्त सैनिक वसाहत, महाडिक वसाहत दत्त मंदिर पासुन सरळ रस्त्याने पुन्हा रुईकर मैदानाकडे संचलनाची सांगता झाली. संचलन मार्गावर जागोजागी नागरिकांनी उस्फुर्तपणे भगव्या ध्वजा समोर नतमस्तक होत स्वयंसेवकानावर पुष्पवृष्टी करून स्वागत केले. शहरातील पाचशे पेक्षा जास्त स्वयंसेवक संचलनात सहभागी झाले होते. भारतीय वाद्यांचे घोषपथक आणि त्यांनी वाजवलेल्या विविध रचना हे संचलनाचे आकर्षण ठरले.संचलनाला समस्त हिंदू बांधव उपस्थित होते.