Maharashtra Assembly Elections 2024 : महाराष्ट्रातील निवडणुक (Maharashtra Assembly Elections 2024) आता तोंडावर येऊन ठेपली आहे. अशातच राज्यात राजकीय घडामोडींना वेग आला आहे. महायुतील सर्वच पक्षांनी उमेदवारांची पहिली यादी जाहीर केली आहे.
आज विधानसभा निवडणुकीसाठी मुख्यमंत्री एकनाथ शिंदे यांच्या शिवसेनेची पहिली यादी देखील जाहीर झाली आहे. या यादीत एकूण 45 जणांची नावे घोषित करण्यात आली आहेत. एकनाथ शिंदेंचेही या यादीत नाव असून ते कोपरी पाचपाखडी मतदारसंघातून निवडणूक लढवणार आहेत.
याचदरम्यान, मुख्यमंत्री एकनाथ शिंदे यांनी पुन्हा एकदा गुवाहाटी दौरा केला आहे. विधानसभा निवडणूक होण्यापूर्वी एकनाथ शिंदे यांनी गुवाहाटीला जाऊन सहकुटूंब कामाख्या देवींचे दर्शन घेतले आहे. यापूर्वी एकनाथ शिंदे राज्यात सरकार स्थापन करण्यापूर्वी गुवाहाटीला गेले होते.
त्यावेळी कामाख्या देवीच्या आशीर्वादाने आम्ही सत्ता स्थापन करत असल्याचे मुख्यमंत्री एकनाथ शिंदे यांनी म्हटले होते. मुख्यमंत्रीपदाची शपथ घेतल्यानंतर त्यांनी सर्व आमदारांसह पुन्हा गुवाहाटी जात कामाख्या देवीचे दर्शन घेतले होते. आज पुन्हा एकदा मुख्यामंत्र्यांनी गुवाहाटीला जाऊन कामाख्या देवींचे दर्शन घेतले आहे.
#WATCH | Assam: Maharashtra CM Eknath Shinde arrived at Guwahati airport; he will be visiting Kamakhya temple today. pic.twitter.com/yKO2IlQexK
— ANI (@ANI) October 22, 2024
मुख्यमंत्री एकनाथ शिंदे उद्या २४ ऑक्टोबर रोजी निवडणूक अर्ज दाखल करणार असून, त्यापूर्वी त्यांनी कामाख्या देवींचे दर्शन घेतले आहे. यावेळी मुख्यमंत्र्यांनी प्रसारमाध्यमांशी देखील संवाद साधला, तसेच लवकरच दुसरी यादी देखील जाहीर होईल असे त्यांनी सांगितले आहे. यावेळी प्रसामाध्यमांशी बोलताना त्यांनी यंदाच्या विधानसभा निवडणुकीत महायुतीचाच विजय होईल,’ असा विश्वासही व्यक्त केला आहे.
