Sunita Williams : देशभरात सध्या दिवाळीची जोरदार तयारी सुरु आहे. सर्वत्र दिवाळीची धामधूम पाहायला मिळत आहे. अशातच आता अंतराळातून भारतीयांना दिवाळीच्या शुभेच्छा देण्यात आल्या आहेत. होय, अंतराळवीर सुनीता विल्यम्स (Sunita Williams) यांनी अंतराळातून दिवाळीच्या शुभेच्छा दिल्या आहेत, ज्याचा एका व्हिडिओ सध्या सोशल मीडियावर मोठ्या प्रमाणात व्हायरल होत आहे.

दिवाळीच्या शुभेच्छा देताना सुनीता म्हणाल्या की, ‘अमेरिका आणि जगभरात दिवाळी साजरी करणाऱ्या सर्वांना दिवाळीच्या शुभेच्छा… आपल्या व्हिडिओत त्या पुढे म्हणाल्या, ‘माझ्या वडिलांनी आम्हाला दिवाळी आणि इतर भारतीय सणांबद्दल शिकवले आहे. या वर्षी मला पृथ्वीपासून 260 मैलांवर दिवाळी साजरी करण्याची अनोखी संधी मिळाली आहे.’

भारतीय वंशाच्या अंतराळवीर सुनीता विल्यम्स आणि त्यांचे सहकारी अंतराळवीर बुच विल्मोर हे जूनपासून आंतरराष्ट्रीय अंतराळ स्थानकावर आहेत. दोन्ही अंतराळवीरांनी 5 जून रोजी बोईंगच्या स्टारलाइनर अंतराळयानातून उड्डाण केले आणि 6 जून रोजी आयएसएसवर पोहोचले आहेत.

#WATCH | Washington DC | White House #DiwaliCelebrations | NASA Astronaut #SunitaWilliams shares a video message on Diwali from the International Space Station.

She says, "Greetings from the ISS. I want to extend my warmest wishes for a Happy Diwali to everyone celebrating… pic.twitter.com/edqcJ7ZcbC

— DD India (@DDIndialive) October 29, 2024

व्हाईट हाऊसमध्ये दिवाळी साजरी करताना सुनीता विल्यम्स यांनी अंतराळातून रेकॉर्ड केलेला व्हिडिओ प्ले करण्यात आला होता. सुनिता यांनी व्हाईट हाऊसच्या दिवाळी उत्सवासाठी शुभेच्छाही दिल्या आहेत. सुनीता विल्यम्स यांचा हा तिसरा अवकाश प्रवास आहे.