Maharashtra Assembly Election 2024 : ऐन विधानसभा निवडणुकीच्या (Maharashtra Assembly Election) तोंडावर काँग्रेसला (Congress) मोठा धक्का बसला आहे. महानगरपालिकेतील काँग्रेसचे विरोधी पक्ष नेते रवी राजा ( Ravi Raja ) यांनी भाजपात प्रवेश केला आहे. रवी राजा पक्षाच्या निर्णयावर नाराज असल्याचे बोलले जात आहे. रवी राजा यांना सायन कोळीवाडा या ठिकाणाहून तिकिट हवे होते. मात्र, काँग्रेसने गणेश यादव यांना उमेदवारी दिली. त्यामुळे नाराज रवी राजा यांनी भाजपात प्रवेश केला आहे.
रवी राजा यांनी काँग्रेसला सोडचिठ्ठी देत आज उपमुख्यमंत्री देवेंद्र फडणवीस यांच्या उपस्थित भाजपमध्ये प्रवेश केला आहे. रवी राजा यांनी काँग्रेसचे अध्यक्ष मल्लिकार्जुन खर्गे यांन राजीनामा पत्र पाठवले आहे.
रवी राजा यांनी मुंबई महापालिकेत विरोधी पक्षनेतेपद भुषवलं आहे. आपल्याला सलग दोनदा डावललं गेलं आहे त्यामुळे आपण काँग्रेसला सोडचिठ्ठी देत आहोत असं रवी राजा यांनी म्हटलं आहे. रवी राजा तीन दशकांहून अधिक काळ काँग्रेसमध्ये होते.
ऐन विधानसभेच्या तोंडावर रवी राजा यांचा निर्णय काँग्रेससाठी मोठे नुकसान असल्याचे मानले जात आहे. राज्यात विधानसभा निवडणूक ही 20 नोव्हेंबंरला असून त्याचा निकाल हा 23 नोव्हेंबंरला लागणार आहे.
https://twitter.com/ANI/status/1851870981599695264
देवेंद्र फडणवीसांची प्रतिक्रिया
रवी राजा यांच्या पक्षप्रवेशावेळी फडणवीस म्हणाले, ‘दिवाळीच्या पहिल्या दिवशी काँग्रेसचे ज्येष्ठ नेते रवी राजा ( Ravi Raja ) यांनी भाजपात प्रवेश केला आहे मी त्यांच्या निर्णयाचं स्वागत करतो.’
रवी राजा यांच्यासोबतच शिवसेना उद्धव ठाकरेंच्या पक्षातले नेते बाबू दरेकर यांनीही भाजपात प्रवेश केला आहे. फडणवीसांनी यावेळी दरेकर यांचेही स्वागत केले आहे.
