U.S. Elections 2024 Results : अमेरिकेचे माजी राष्ट्राध्यक्ष डोनाल्ड ट्रम्प (Donald Trump) यांनी अध्यक्षीय निवडणुकीत पुन्हा एकदा सर्वांना चकित केले आहे. अमेरिकेची महासत्ता पुन्हा एकदा डोनाल्ड ट्रम्प यांच्या हाती आली आहे. यावेळी ट्रम्प यांनी राष्ट्राध्यक्ष पदाच्या शर्यतीत बाजी मारली असून डेमोक्रॅटिक पक्षाच्या उमेदवार आणि उपाध्यक्ष कमला हॅरिस (Kamala Harris) यांचा पराभव केला आहे. डोनाल्ड ट्रम्प यांच्या विजयानंतर देशभरातील प्रमुख नेत्यांनी त्यांच्यावर कौतुकाचा आणि अभिनंदनाचा वर्षाव केला आहे.

ट्रम्प यांच्या विजयाची अधिकृत घोषणा अद्याप झाली नसली तरी देखील त्यांना मिळालेल्या मतांच्या आधारे त्यांचा विजय निश्चत आहे. ट्रम्प यांनी स्वतः या विजयाबद्दल सर्वांचे आभार मानले आहे. ट्रम्प यांच्या विजयाने जगभरातून प्रतिक्रिया येत आहे.

इस्त्राईलचे पंतप्रधान बेंजामिन नेतन्याहू यांनी आपल्या सोशल मीडिया अकाऊंट X वर पोस्ट शेअर करत ट्रम्प यांचे अभिनंदन केले आहे. त्यांनी आपल्या पोस्टमध्ये लिहिले, “इतिहासातील सर्वात मोठ्या पुनरागमनाबद्दल तुमचे अभिनंदन!” हा मोठा विजय आहे!”

तसेच भारताचे पंतप्रधान नरेंद्र मोदींनी आपल्या X या सोशल मीडिया अकाउंटवर लिहिले आहे की, “तुमच्या ऐतिहासिक निवडणुकीतील विजयाबद्दल माझे मित्र डोनाल्ड ट्रम्प यांचे मनापासून अभिनंदन…. तुम्ही तुमच्या मागील कार्यकाळात चांगली कामगिरी केलीत. भारत-अमेरिका व्यापक जागतिक आणि धोरणात्मक भागीदारी आणखी मजबूत करण्यासाठी मी उत्सुक आहे. आपल्या लोकांच्या भल्यासाठी आणि जागतिक शांतता, स्थिरता आणि समृद्धीसाठी एकत्रितपणे काम करूया”, असे ट्विट पंतप्रधान मोदींनी केले आहे.

युक्रेनचे अध्यक्ष वोलोडिमिर झेलेन्स्की यांनीही डोनाल्ड ट्रम्प यांचे अभिनंदन केले आहे. फक्त अभिनंदनच नाही तर युक्रेनला पाठिंबा देण्याचे आवाहनही वोलोडिमिर झेलेन्स्की यांनी केले आहे.

दक्षिण कोरियाचे अध्यक्ष यून सुक येओल यांनी पोस्ट केले आहे की, “डोनाल्ड ट्रम्प यांचे अभिनंदन. तुमच्या भक्कम नेतृत्वाखाली ROK-U.S. चे भविष्य युती आणि अमेरिका चमकतील. तुमच्यासोबत जवळून काम करण्यास उत्सुक आहे.”

यूकेचे पंतप्रधान केयर स्टारर यांनी पोस्ट शेअर करत लिहिले, ‘निर्वाचित अध्यक्ष डोनाल्ड ट्रम्प यांचे तुमच्या ऐतिहासिक निवडणुकीतील विजयाबद्दल अभिनंदन. मी पुढच्या वर्षांत तुमच्यासोबत काम करण्यास उत्सुक आहे.’

तर EU आयोगाच्या अध्यक्षा उर्सुला वॉन डर लेयन यांनी पोस्ट केली की, “मी डोनाल्ड जे. ट्रम्प यांचे हार्दिक अभिनंदन करतो. युरोपियन युनियन आणि यूएस हे केवळ सहयोगी नाहीत. ८०० दशलक्ष नागरिकांना एकत्र करून आम्ही आमच्या लोकांमधील खऱ्या भागीदारीने बांधील आहोत. चला तर मग आपण एका मजबूत ट्रान्साटलांटिक अजेंडावर एकत्र काम करूया जो त्यांच्यासाठी वितरीत करत राहील,”