Narendra Modi : निवडणुकीच्या पार्श्ववभूमीवर आज देशाचे पंतप्रधान नरेंद्र मोदी (Narendra Modi) महाराष्ट्र दौऱ्यावर आहेत. आज राज्यात मोदींच्या दोन सभा पार पडणार आहेत. पहिली सभा धुळ्यात 11.30 वाजता सुरु होईल, तर दुसरी सभा नाशिक येथे दुपारी 1.30 वाजता सुरु होईल. मोदी राज्यात आठवडाभरात एकूण नऊ सभा घेणार आहेत. भाजपच्या प्रचारासाठी नरेंद्र मोदींच्या सभांचा धडाका राज्यात पाहायला मिळणार आहे.
पंतप्रधान मोदींच्या सभेदरम्यान कोणताही अनुचित प्रकार घडू नये, यासाठी एसपीजी कमांडो, वरिष्ठ पोलीस अधिकाऱ्यांसह तब्बल साडे तीन हजार पोलिसांचा बंदोबस्त तैनात केला आहे. तसेच शहरातील वाहतूक मार्गातही मोठ्या प्रमाणात बदल करण्यात आले आहेत. सभेच्या ठिकाणी तैनात करण्यात येणाऱ्या पोलिसांची प्रत्येकाला करडी नजर असणार आहे.
दरम्यान, आजच्या सभा पार पडल्यानंतर मोदी यांची ९ नोव्हेंबर रोजी अकोला व नांदेड आणि १२ नोव्हेंबरला चिमूर, सोलापूरला सभा होणार आहे. तसेच १२ नोव्हेंबरला पुण्यात रोड शोचे आयोजन करण्यात आले आहे. त्यानंतर १४ नोव्हेंबर रोजी छत्रपती संभाजीनगर, रायगड आणि मुंबईत शिवाजी पार्क येथे सभा आयोजित करण्यात आली आहे.
भाजपच्या प्रचारासाठी आज केंद्रीय गृहमंत्री अमित शहा हे देखील महाराष्ट्र्र दौऱ्यावर आहेत. आज (शुक्रवारी) त्यांची शिराळा (सांगली), कराड, सांगली आणि कोल्हापूर याठिकाणी सभा पार पडणार आहेत.
