Narendra Modi : आगामी विधानसभा निवडणुकीच्या (Maharashtra Election 2024) पार्श्वभूमीवर पंतप्रधान नरेंद्र मोदी (Narendra Modi) सध्या महाराष्ट्र दौऱ्यावर आहेत. याचदरम्यान, पंतप्रधान मोदी आज पुणे दौरा करणार आहेत.
पुणे शहर, जिल्हा व सातारा जिल्ह्यातील महायुतीच्या उमेदवारांच्या प्रचारार्थ पंतप्रधान नरेंद्र मोदींचा हा आजचा दौरा असणार आहे. मोदींची आजची सभा पुण्यातील स. प. महाविद्यालयाच्या मैदानावर सभा होणार आहे.
केंद्रीय राज्यमंत्री मुरलीधर मोहोळ, भाजप प्रदेश महामंत्री राजेश पांडे, शहराध्यक्ष धीरज घाटे, प्रवक्ते संदीप खर्डेकर, श्रीनाथ भिमाले, अजय खेडकर, शिवसेना नेते किरण साळी यांनी या सभेच्या तयारीचा आढावा सोमवारी सायंकाळी घेतला असून सभास्थळी भेट देऊन आवश्यक त्या सूचना केल्या आहेत.
पंतप्रधान मोदींचा आजचा कार्यक्रम
पंतप्रधान मोदींच्या पश्चिम महाराष्ट्रातील सोलापूर व पुणे येथे आज दोन सभा पार पडणार आहेत. सोलापूर, सांगली, सातारा व कोल्हापूर जिल्ह्यांतील महायुतीच्या उमेदवारांसाठी सोलापूर येथे दुपारी, तर पुणे आणि सातारा जिल्ह्यांतील उमेदवारांसाठी सायंकाळी सहाच्या वाजता पुण्यातील ही मैदानावर सभा होत आहे. पुण्यातील या सभेसाठी पोलिसांचा काटेकोर बंदबोस्त आहे. या सभेत कोणताही अनुचित प्रकार घडू नये यासाठी पोलिसांचा मोठा बंदोबस्त तैनात करण्यात आला आहे.
पंतप्रधानांच्या या सभेसाठी केंद्रीय राज्यमंत्री रामदास आठवले व उपमुख्यमंत्री अजित पवार उपस्थित राहणार आहेत. मोदींच्या या प्रचार सभेसाठी महायुतीच्या वतीने जोरदार तयारी करण्यात आली आहे.
