महाराष्ट्राचे उपमुख्यमंत्री आणि बारामती विधानसभा मतदारसंघातील राष्ट्रवादी काँग्रेसचे उमेदवार अजित पवार यांनी आज काटेवाडी ,बारामती इथे मतदानाचा हक्क बजावला आहे. राज्यातील जनतेनं घराबाहेर पडून आपला मतदानाचा मूलभूत हक्क बजवावा, अमूल्य मत अचूक नेतृत्वाला द्यावे आणि लोकशाही आणखी बळकट करण्यात मोलाची भूमिका पार पाडावी, असे आवाहन जनतेला केले आहे.
पत्रकारांशी बोलताना पवार म्हणाले, इथे महायुतीचे सरकार स्थापन होणार असून बारामतीतील जनतेचा माझ्यावर विश्वास आहे, अशी मला आशा आहे.
राष्ट्रवादी(शपा)नेत्या सुप्रिया सुळे आणि काँग्रेसचे प्रदेशाध्यक्ष नाना पटोले यांनी बिटकॉइन घोटाळ्यातील रक्कम निवडणुकीच्या निधीसाठी वापरल्याचा दावा करणाऱ्या माजी आयपीएस रवींद्र पाटील यांनी केलेल्या आरोपांचेही पवारांनी समर्थन केले.
“जी काही ऑडिओ क्लिप दाखवली जात आहे, मला फक्त हे माहित आहे की मी या दोघांसोबत काम केले आहे. त्यापैकी एक माझी बहीण आहे आणि दुसरी कोणीतरी आहे ज्यांच्यासोबत मी बराच काळ काम केले आहे. ऑडिओ क्लिपमध्ये त्यांचे आवाज आहेत, मी समजू शकतो. त्यांची चौकशी केली जाईल आणि सर्व काही स्पष्ट होईल”.असे पवार म्हणाले आहेत.
या निवडणुकीतील सर्वात उत्सुक्यपूर्ण लढत बारामतीत होत आहे. जिथे अजित पवार हे त्यांचे धाकटे बंधू श्रीनिवास पवार यांचे पुत्र युगेंद्र पवार यांच्याशी लढत आहेत.
2024 च्या लोकसभा निवडणुकीत सुनेत्रा पवार यांनी सुप्रिया सुळे यांना आव्हान दिले तेव्हा बारामतीकडेही लक्ष वेधले गेले होते, ज्या शेवटी 1.5 लाख मतांच्या फरकाने जिंकल्या होत्या.
