पंतप्रधान नरेंद्र मोदी आज कुवैतच्या दोन दिवसीय दौऱ्यावर रवाना झाले आहेत. पश्चिम आशियातील शांतता, सुरक्षा आणि स्थैर्यामध्ये भारत आणि आखाती देशांचे समान हित असल्याचे पंतप्रधानांनी आज कुवैत दौऱ्यावर रवाना होण्यापूर्वी दिलेल्या निवेदनात म्हटले आहे.

पंतप्रधान म्हणाले आहेत की आज ते कुवैत राज्याचे अमीर शेख मेशाल अल-अहमद अल-जाबेर अल-सबाह यांच्या निमंत्रणावरून कुवेतला दोन दिवसीय भेट देत आहेत. ते म्हणाले की, आम्ही कुवेतसोबतच्या पिढ्यानपिढ्या असलेले संबध आमच्यासाठी खूप महत्वाचे आहेत. केवळ मजबूत व्यापार आणि ऊर्जा भागीदारच नाही तर पश्चिम आशिया प्रदेशात शांतता, सुरक्षा, स्थिरता आणि समृद्धीमध्ये दोन्ही देशांचे हित आहे हे आम्ही जाणतो.

कुवैतचे अमीर, युवराज आणि पंतप्रधान यांच्या भेटींसाठी मी उत्सुक असल्याचे पंतप्रधानांनी सांगितले. ते म्हणाले आहेत की, आमच्या लोकांच्या आणि प्रदेशाच्या फायद्यासाठी भविष्यातील भागीदारीसाठी हे एक महत्वाचे पाऊल असेल.

आपल्या निवेदनात पुढे पंतप्रधान मोदी म्हणाले आहेत की, कुवैतमधील भारतीय प्रवासी यांना भेटण्यास उत्सुक आहे, ज्यांनी दोन्ही देशांमधील मैत्रीचे बंध दृढ करण्यासाठी मोठे योगदान दिले आहे. आखाती प्रदेशातील एक प्रमुख क्रीडा स्पर्धा असलेल्या अरबी गल्फ कपच्या उद्घाटन समारंभासाठी आमंत्रित केल्याबद्दल त्यांनी कुवैतच्या नेतृत्वाचे आभार मानले आहेत. क्रीडा क्षेत्रातील उत्कृष्टता आणि प्रादेशिक एकतेच्या या उत्सवाचा भाग होण्यासाठी मी उत्सुक असल्याचे त्यांनी सांगितले. या भेटीमुळे भारत आणि कुवेतमधील विशेष संबंध आणि मैत्रीचे बंध अधिक दृढ होतील, असा विश्वास त्यांनी व्यक्त केला आहे .

पंतप्रधान नरेंद्र मोदी यांचा कुवैत दौरा गेल्या ४३ वर्षांतील भारतीय पंतप्रधानांचा पहिलाच दौरा आहे. 1981 मध्ये कुवैतला भेट देणाऱ्या शेवटच्या भारतीय पंतप्रधान इंदिरा गांधी होत्या.

Today and tomorrow, I will be visiting Kuwait. This visit will deepen India’s historical linkages with Kuwait. I look forward to meeting His Highness the Amir, the Crown Prince and the Prime Minister of Kuwait.

This evening, I will be interacting with the Indian community and…

— Narendra Modi (@narendramodi) December 21, 2024