इस्रायलने संयुक्त राष्ट्राच्या व्यासपीठावरून येमेनच्या हौथी दहशतवाद्यांना स्पष्ट इशारा दिला आहे. हौथी दहशतवाद्यांनी त्यांच्या कारवाया थांबवाव्यात, अन्यथा त्यांच्या वाट्याला सीरियातील बशर अल-असद, हमास आणि हिजबुल्लासारखेच नशीब येईल असे इस्त्रायल स्प्ष्टपणे म्हणाला आहे.

खरं तर, इराण समर्थित हुथी दहशतवादी इस्रायलवर सतत हल्ले करत आहेत. इस्रायलने वृत्तसंस्थेला माहिती देताना सांगितले की या इराण समर्थित हुथी दहशतवाद्यांनी गेल्या एका वर्षात 200 हून अधिक क्षेपणास्त्रे आणि 170 ड्रोन हल्ले केले आहेत. त्यामुळे इस्रायल संतप्त झाले असून आता यूएनमधील इस्रायलचे राजदूत डॅनी डॅनन यांनी त्यांना अंतिम इशारा दिला आहे. डॅनी म्हणाले की, इराण तसेच मध्यपूर्वेतील कोणत्याही लक्ष्यावर अचूक हल्ले करण्याची ताकद आमच्याकडे आहे. त्यामुळे इराणचे प्रॉक्सी हल्ले कोणत्याही परिस्थितीत खपवून घेतले जाणार नाहीत.हे त्यांनी लक्षात ठेवावे.

डॅनन पुढे म्हणाले की, इस्रायल आपल्या देशाच्या सुरक्षेसाठी पूर्णपणे कटिबद्ध आहे. जर हुथी बंडखोरांना असे वाटत असेल की 2 हजार किलोमीटरचे अंतर त्यांना मरणापासून वाचवू शकते तर ते चुकीचे आहे. कदाचित गेल्या वर्षभरात हमास, असद आणि हिजबुल्लासोबत काय झाले हे त्यांना माहित नाहीये. . डॅनन पुढे म्हणाले की, ही केवळ धमकी नाही. मी वचन देतो की त्यांनाही अश्याच प्रत्युत्तराला सामोरे जावे लागेल .

मध्यपूर्वेत आपली पकड मजबूत करण्यासाठी इराण सतत इस्लामिक दहशतवाद्यांना निधी पुरवतो आणि त्यांना शस्त्रे पुरवतो. इराणने इस्रायलच्या विरोधात लेबनॉनमध्ये हिजबुल्लाला आश्रय दिला, तर तो पॅलेस्टाईनमध्ये हमासला आर्थिक मदत करत आहे. त्याचबरोबर येमेनमधील हुथी दहशतवाद्यांना इराणचा पूर्ण पाठिंबा आहे.