2025 हे नववर्ष सुरु झाले आहे. काश्मीरपासून कन्याकुमारी, आसाम ते गुजरातपर्यंत सर्वांनी नववर्षाचे स्वागत केले. रात्री 12 वाजता फटाक्यांची प्रचंड आतषबाजी बघायला मिळाली. नववर्षाचे स्वागत करण्यासाठी नागरिकांमध्ये प्रचंड जल्लोष आणि उत्साह दिसून आला. नवीन वर्षाचे स्वागत करण्यासाठी दिल्ली, पुणे,मुंबई, कोलकाता, बेंगळुरू आणि इतर अनेक शहरांमध्ये हजारो लोक एकत्र जमताना दिसले. या काळात सुरक्षा व्यवस्थाही चोख असल्याचे दिसून आले.
थंडीची लाट असूनही लोक नवीन वर्ष साजरे करत बर्फवृष्टीचा आनंद लुटण्यासाठी आणि नवीन वर्षाचा आनंद घेण्यासाठी लोक हिल स्टेशनवर पोहोचले आहेत. नैनिताल, भवाली, भीमताल, रामगड, मुक्तेश्वर, गागर, रानीखेत, अल्मोरा, कौसानी, पौरी, औली, धनौल्टी, न्यू टिहरी, मसुरी, ऋषिकेश, हरिद्वार आणि चक्रता ही पर्यटन स्थळे जवळजवळ खचाखच भरलेली आहेत. लोकांच्या सोयीसाठी हॉटेल, रेस्टॉरंट आणि इतर ठिकाणे २४ तास सुरू ठेवण्याचे निर्देशही सरकारने दिले आहेत. तर काही ठिकाणी नववर्षानिमित्त देवाचा आशीर्वाद घेण्यासाठी भाविक मंदिरांकडे वळत आहेत. मथुरेतील बांके बिहारी मंदिर, अयोध्येतील राम मंदिर, खातुश्याम धाम यासह देशातील विविध मंदिरांना भेट देण्यासाठी लोक आल्याचे दिसून आले. जमावाला रोखण्यासाठी पोलिसांनी कडक बंदोबस्त ठेवला आहे.
पंतप्रधान नरेंद्र मोदी यांनी नवीन वर्ष 2025 निमित्त नागरिकांना शुभेच्छा दिल्या आहेत. पीएम मोदींनी एक्स वर पोस्ट करत लिहिले आहे की, “हे वर्ष प्रत्येकासाठी नवीन संधी, यश आणि अनंत आनंद घेऊन येवो. सर्वांना उत्तम आरोग्य आणि समृद्धी लाभो.”
Happy 2025!
May this year bring everyone new opportunities, success and endless joy. May everybody be blessed with wonderful health and prosperity.
— Narendra Modi (@narendramodi) January 1, 2025
‘2025 हे वर्ष सर्वांना आनंदाचे, सौहार्दाचे आणि समृद्धीचे जावो’ असे म्हणत राष्ट्रपती द्रौपदी मुर्मू यांनी नागरिकांना नवीन वर्षाच्या शुभेच्छा दिल्या आणि भारत आणि जगासाठी उज्ज्वल, अधिक समावेशक आणि शाश्वत भविष्य निर्माण करण्यासाठी एकत्र काम करण्याच्या त्यांच्या वचनबद्धतेचे नूतनीकरण करण्याचे आवाहन केले.
Wishing everyone a very Happy New Year! May the year 2025 bring joy, harmony and prosperity to all! On this occasion, let us renew our commitment to work together for creating a brighter, more inclusive and sustainable future for India and the world.
— President of India (@rashtrapatibhvn) January 1, 2025
