उत्तरप्रदेशच्या प्रयागराज येथे आयोजित महाकुंभादरम्यान बॉम्बस्फोट घडवण्याची धमकी देण्यात आली आहे. ट्विटरवर (एक्स) नसर पठाण नावाच्या आयडीवरून ही धमकी देण्यात आली असून या बॉम्बस्फोटात एक हजार हिंदू भाविकांना ठार मारण्याचा इशारा देण्यात आला आहे.
ट्विटरवरील (एक्स) नसर पठाण नामक आयडीवरून लिहिले की, “तुम्ही सर्व, तुम्ही सर्व गुन्हेगार आहात. महाकुंभात बॉम्बस्फोट करणार, 1000 हिंदूंना मारणार अल्लाह इज ग्रेट…!” ही पोस्ट दिसताच विपिन गौर नामक तरुणाने 31 डिसेंबर रोजी डायल-112 यूपी पोलिसांना टॅग करत पोस्ट री-ट्विट केली आहे . स्क्रीन शॉटही शेअर केला. यानंतर पोलिस सक्रिय झाले. याबाबत प्रयागराज पोलिस आयुक्त आणि सुरक्षा यंत्रणांना माहिती पाठवण्यात आली. पोलिस आता पोस्ट करणाऱ्या व्यक्तीचा शोध घेत आहेत.
ज्या आयडीवरून धमकीची पोस्ट करण्यात आली आहे. त्याच्या बायोमध्ये लिहिले आहे की, “मला मुस्लिम असल्याचा अभिमान आहे. कट्टर मुस्लिम.” पोलिस त्या क्रमांकाचा आणि ई-मेलचा तपशील घेत आहेत. ज्यावर हा आयडी बनवला होता. या प्रकरणी लखनऊ येथील यूपी-112 मुख्यालयाचे ऑपरेशन कमांडर अरविंद कुमार नैन यांनी एक पत्र जारी केले आहे. त्यांनी लखनऊच्या पोलिस महासंचालकांना अधिसूचना दिली. अतिरिक्त पोलिस महासंचालक कायदा व सुव्यवस्था, लखनऊ, अतिरिक्त पोलीस महासंचालक सुरक्षा, लखनऊ आणि अतिरिक्त पोलिस महासंचालक एटीएस, लखनऊ वरिष्ठ पोलिस अधीक्षक, जिल्हा कुंभ यांना पत्र पाठविण्यात आले आहे. यापूर्वी खलिस्तानी दहशतवादी गुरूपतनवंत सिंग पन्नू याने देखील महाकुंभावर हल्ला करण्याची धमकी दिली होती.
प्रयागराज महाकुंभाची औपचारिक सुरुवात 13 जानेवारी 2025 पासून होणार आहे. संपूर्ण जत्रा 4 हजार हेक्टर (15,840 बिघा) मध्ये पसरलेली आहे. पहिल्यांदाच 13 किलोमीटर लांबीचा रिव्हर फ्रंट तयार करण्यात येत आहे. या कुंभमेळ्यात सुरक्षेवर विशेष लक्ष केंद्रित करण्यात आले आहे. संपूर्ण मेळा 25 सेक्टरमध्ये विभागला गेला असून त्या आधारे एकूण 56 पोलीस स्टेशन आणि 144 चेक पोस्ट तयार करण्यात आले आहेत तर जत्रेत कोणत्याही प्रकारची अराजकता किंवा कट हाणून पाडण्यासाठी 510 एलआययू कर्मचारी तैनात केले जाणार आहेत.
