नागरी सेवा परीक्षेत फसवणूक केल्याप्रकरणी आणि ओबीसी-अपंगत्व कोट्याचा चुकीचा फायदा घेतल्याचा आरोप असलेल्या माजी आयएएस प्रोबेशनर पूजा खेडकरला सर्वोच्च न्यायालयाकडून तात्पुरता दिलासा मिळाला आहे. न्यायालयाने खेडकर हिच्या अटकेला १४ फेब्रुवारीपर्यंत स्थगिती दिली आहे.
न्यायमूर्ती बीव्ही नागरथना आणि न्यायमूर्ती सतीश चंद्र शर्मा यांच्या खंडपीठाने खेडकर यांच्या अटकपूर्व जामीन याचिकेवर सुनावणी करताना दिल्ली सरकार आणि यूपीएससीला नोटीस बजावली आहे. या प्रकरणाची पुढील सुनावणी 14 फेब्रुवारीला होणार आहे.
पूजा खेडकरने 23 डिसेंबर 2024 च्या दिल्ली उच्च न्यायालयाच्या आदेशाला आव्हान दिले होते. ज्यात तिला अटकपूर्व जामीन नाकारण्यात आला होता. त्याच्याविरुद्ध प्रथमदर्शनी भक्कम खटला सुरू असल्याचे न्यायालयाने म्हटले होते. यंत्रणेतील हेराफेरीचे मोठे कारस्थान उघड करण्यासाठी तपासाची गरज असल्याचेही नमूद केले होते.
पूजा खेडकरवर 2022 च्या UPSC नागरी सेवा परीक्षेसाठी अर्ज करताना चुकीची माहिती दिल्याचा आरोप आहे, त्यामुळे तिला आरक्षणाचा लाभ मिळाला. मात्र, खेडकर यांनी आपल्यावरील सर्व आरोप फेटाळून लावत आपल्यावरील आरोप निराधार असल्याचे म्हटले आहे.
दरम्यान आरक्षणाचा लाभ मिळवण्यासाठी नागरी सेवा परीक्षा २०२२ साठी आपल्या अर्जात चुकीची माहिती दिल्याचा आरोप सिद्ध झाल्यानंतर आयएसएस अधिकारी म्हणून पूजा खेडकरी हिची नियुक्ती रद्द करण्यात आली आहे तसेच तिला पुन्हा नागरी सेवा आयोगाच्या परीक्षेला बसण्यावर देखील बंदी घालण्यात आली आहे.
