“देश प्रगती करत आहे. विश्वात देशाचा गौरव होत आहे. हा सन्मान फक्त आणि फक्त देशातील सजग नागरिकांमुळे शक्य होत आहे. या संस्थेचे संस्थापक अण्णासाहेब जाधव यांनी त्यागपूर्वक समाजासाठी कार्य केलं. देशासाठी अनेकांनी त्याग केला. आज आपण आपलं कर्तव्य आणि जबाबदारी यांची जाणीव ठेवली पाहिजे. समाजाचे सहयोग घेऊन समाजासाठी कार्य करणे हाच खरा धर्म आहे,” असे सरसंघचालक मोहन भागवत म्हणाले आहेत .
७६ व्या प्रजासत्ताक दिनानिमित्त रविवारी महाराष्ट्रातील भिवंडी येथे पद्मश्री अण्णासाहेब जाधव विद्यालयामध्ये राष्ट्रीय स्वयंसेवक संघाचे सरसंघचालक डॉक्टर मोहन भागवत यांनी ध्वजारोहण केले तर नागपूर येथील आरएसएस मुख्यालयात राष्ट्रीय स्वयंसेवक संघाचे नागपूर महानगर संघचालक राजेश लोया यांनीही राष्ट्रध्वज फडकवला आहे .
तर प्रजासत्ताक दिनानिमित्त भास्कर प्रभा, इंफाळ (योग आणि निसर्गोपचार केंद्र) येथे आयोजित कार्यक्रमात सरकार्यवाह दत्तात्रेय होसबळे यांनी ध्वजारोहण केले आहे.
