वंचित आघाडीचे नेते प्रकाश आंबेडकर यांनी राज्याचे अन्न आणि नागरी पुरवठा मंत्री छगन भुजबळ यांच्यावर निशाणा साधला आहे. भुजबळ यांनी पब्लिकली भांडू नये. त्यांनी पब्लिकली भांडण्यापेक्षा कॅबिनेटमध्ये जाऊन भांडावे. जर कॅबिनेटमध्ये त्यांचे ऐकले जात नसेल तर भुजबळांनी ओबीसींसाठी मंत्रिपदाचा राजीनामा द्यावा आणि मंत्रिमंडळातून बाहेर पडावे, असा सल्ला प्रकाश आंबेडकांनी दिला आहे.
छगन भुजबळ यांनी राजीनामा दिला तर त्यांच्या म्हणण्याला वजन येईल. नाहीतर एका बाजूला सत्ता उपभोगायची आणि दुसऱ्या बाजूला रडत बसायचे, या दोन गोष्टी एकत्र कशा राहतील? असा सवाल प्रकाश आंबेडकरांनी केला.
पुढे ते म्हणाले, सध्या एकनाथ शिंदे मराठा समाजाचे सर्वात टॉलेस्ट नेते झाले आहेत. त्यामुळे त्यांच्या सिक्सरमुळे इतर मराठा नेते बोल्डआउट झाले आहेत. शिंदेंनी एकच सिक्सर मारून ते मराठा समाजातील सर्वात मोठे नेते झाले आहेत, असेही प्रकाश आंबेडकर म्हणाले.
