2024 च्या अर्थसंकल्पाची उलटी गिनती सुरू झाली आहे. आगामी अर्थसंकल्पाची सर्व तयारी पूर्ण झाली आहे. पारंपारिक हलवा समारंभही पार पडला. हा अर्थसंकल्प अनेक अर्थांनी महत्त्वाचा आहे.  त्याचे कारण म्हणजे लोकसभा निवडणुकीपूर्वीच हा अर्थसंकल्प सादर होत असल्याने तो पूर्ण स्वरूपात मांडता येणार नाही.

अर्थमंत्री निर्मला सीतारामन 1 फेब्रुवारीला अंतरिम अर्थसंकल्प सादर करणार आहेत. या वर्षी लोकसभेच्या निवडणुका होणार आहेत. अशा स्थितीत तो पूर्ण अर्थसंकल्प ठरणार नाही. ही तात्पुरती आर्थिक योजना किंवा ‘व्होट ऑन अकाउंट’ असेल. दरवर्षी 1 फेब्रुवारीला अर्थसंकल्प सादर केला जातो. यावेळीही अर्थसंकल्पासाठी हाच दिवस निश्चित करण्यात आला आहे.

अर्थसंकल्प सादर करण्याची वेळ साधारणत: सकाळी 11 वाजता असते. त्याचवेळी अंतरिम अर्थसंकल्पही सादर केला जाणार आहे. अर्थमंत्री निर्मला सीतारामन हे लोकसभेत मांडणार आहेत.

यंदाचा अर्थसंकल्प विशेष आहे. त्याचे कारण म्हणजे लोकसभा निवडणुकीपूर्वीच तो सादर केला जाणार आहे. अशा स्थितीत सर्वांचे लक्ष याकडे असेल. तसेच अर्थसंकल्पात निर्मला सीतारामन कोणकोणत्या तरतुदी आणि घोषणा करणार याकडे सर्वांचे लक्ष लागले आहे.

दरम्यान, पंतप्रधान नरेंद्र मोदी यांच्या नेतृत्वाखाली स्थापन झालेल्या सरकारच्या दुसऱ्या कार्यकाळातील संसदेचे हे अखेरचे अर्थसंकल्पीय अधिवेशन ठरणार आहे. अर्थमंत्री निर्मला सीतारामन सहाव्यांदा अर्थसंकल्प सादर करत आहेत.