देशाच्या अर्थमंत्री निर्मला सीतारमण या संसदेमध्ये मोदी सरकारच्या दुसऱ्या कार्यकाळातील शेवटचा अर्थसंकल्प मांडत आहेत. लवकरच लोकसभा निवडणूक होणार असल्याने हा अर्थसंकल्प अंतरिम असणार आहे. दरम्यान, 40 हजार रेल्वे डबे वंदे भारतमध्ये रूपांतरित केले जाणार, अशी माहिती निर्मला सीतारमण यांनी दिली.
अर्थसंकल्प सादर करताना अर्थमंत्री निर्मला सीतारामण म्हणाल्या, मागील 4 वर्षांमध्ये आर्थिक विकासाला वेग आला आहे. आजची युवाशक्ती तंत्रज्ञान योजना बनवेल. तसेच तीन रेल्वे कॉरिडॉर सुरू केले जाणार आहेत. सोबतच मालवाहतूक प्रकल्प विसकित केले जातील. आणि 40 हजार रेल्वे डबे वंदे भारतमध्ये रूपांतरित केले जातील.
देशातील 38 लाख शेतकऱ्यांना किसान संपदा योजनेमधून लाभ मिळाला आहे. तसेच सरकार दुग्ध उत्पादक शेतकऱ्यांसाठी नवीन योजनाही सुरू करणार आहे. तसेच देशातील पुढील 5 वर्षे ही अभूतपूर्व विकासाची वर्षे असतील, असा विश्वास निर्मला सीतारमण यांनी व्यक्त केला आहे.
पीएम आवास योजने अंतर्गत पुढील 5 वर्षांमध्ये ग्रामीण भागांमध्ये आणखी 3 कोटी घरे बांधली जाणार आहेत. आमच्या सरकारचे पारदर्श कारभारावर लक्ष आहे. तसेच देशाची अर्थव्यवस्था योग्य दिशेने चालली आहे.सरकराचे सकल विकासाकडे लक्ष आहे. सरकारचा महिला सशक्तीकरणावर भर आहे. मागील 10 वर्षांत महिला उच्च शिक्षण घेत आहेत. तसेच ग्रामीण महिलांना पीएम आवास योजने अंतर्गत 70 टक्के घरे मिळाली आहेत, असे अर्थमंत्री सीतारमण म्हणाल्या.
पुढे त्या म्हणाल्या, मागील 10 वर्षांमध्ये देशाचा सकारात्मक विकास झाला आहे. सबका साथ सबका विकास हा आमचा मंत्र आहे. तसेच आमच्या सरकारने व्यापक विकासाची कामे केली आहेत. तसेच ग्रामीण भागातील लोकांच्या उत्पन्नामध्ये आमच्या विविध योजनांमुळे वाढ झाली आहे. त्यामुळे 2047 पर्यंत भारत विकसित देश असेल. तसेच सरकार गरीब महिला, युवक आणि शेतकऱ्यांसाठी काम करत आहे.
