‘दंगल’ चित्रपटात ज्युनियर बबिता फोगटची भूमिका साकारणाऱ्या सुहानी भटनागर हिचे आकस्मिक निधन

आमिर खानचा सुपरहिट चित्रपट ‘दंगल’मध्ये छोट्या बबिता फोगटची भूमिका साकारणाऱ्या अभिनेत्रीचे वयाच्या १९ व्या वर्षी निधन झाले असल्याची माहिती समोर आली आहे.अभिनेत्री सुहानी भटनागर असे तिचे नाव असून ती काही काळ आजाराशी झुंज देत होती. एम्समध्येही तिच्यावर उपचार सुरु होते. मात्र डॉक्टरांनी शर्थीचे प्रयत्न करुनही तिला वाचवण्यात यश आले नाही. सुहानी हिच्या दुःखद मृत्यूनंतर मृत्यूनंतर सिनेविश्वात एकच हळहळ व्यक्त करण्यात येत आहे

काही दिवसांपूर्वी सुहानीचा अपघात झाला होता, ज्यामुळे तिचा पाय फ्रॅक्चर झाला होता. उपचारादरम्यान तिने घेतलेल्या औषधांचा तिच्यावर साईड इफ्टेक्ट झाल्यामुळे तिला काही दिवसांपासून दिल्लीच्या एम्स रुग्णालयात दाखल करण्यात आले होते.मात्र या दरम्यान सुहानी भटनागरच्या संपूर्ण शरीरात फ्लूइड साठले होते,असे सांगितले जात आहे.

आज सुहानीच्या पार्थिवावर फरिदाबादच्या सेक्टर-15 येथील अजरौंडा स्मशानभूमीत अंत्यसंस्कार करण्यात येणार आहेत.

सुहानी हिने अनेक टेलिव्हिजन जाहिरातींमध्येही काम केले आहे.’दंगल’ चित्रपटानंतर सुहानीला अनेक चित्रपटांच्या ऑफर आल्या, मात्र तिने शिक्षण पूर्ण करण्यासाठी अभिनयातून ब्रेक घेण्याचा निर्णय घेतला होता.