अमेरिकेचे माजी राष्ट्राध्यक्ष बराक ओबामा यांची लेक मलिया ओबामा सध्या चांगलीच चर्चेत आली आहे. कारण मलिया ओबामाने तिचे नाव बदलले आहे. हॉलिवूडमध्ये जाण्यापूर्वी मलियाने तिच्या नावात बदल केल्याचे म्हटले जात आहे.
मलिया ओबामा ही नुकतीच हॉवर्डमधून उर्तीण झाली असून तिने आपले करिअर फिल्ममेकिंगमध्ये करण्याचा निर्णय घेतला आहे. अशातच आता मलियाने तिचे ओबामा हे आडनाव बदलून अॅन केल्याचे म्हटले जात आहे.
मलियाच्या चित्रपटाचा प्रीमिअर जेव्हा पार पडला त्यावेळी तिचे नाव फिल्ममेकर मलिया अॅन म्हणून घेतले गेले होते. तसेच त्या सोहळ्याला ओबामा कुटुंब अनुपस्थित होते. त्यामुळे 2024 च्या सुदान फिल्म फेस्टिव्हलमपासून मलियाच्या नावाबाबत चांगल्याच चर्चा रंगल्या आहेत.
हिंदुस्थान टाईम्सने दिलेल्या बातमीनुसार, हॉलिवूडमधील एक ट्रेंड फॉलो करण्याचा प्रयत्न मलियाने केला आहे. याआधीही काही सेलिब्रिटींच्या मुलांनी त्यांची नावे बदलल्याचे दिसून आले होते. यामध्ये अँजिलिना जोलीने आपले वोईट नावाचे आडनाव बदलले होते. तर निकोलस केजने त्याचे आडनाव कोपोला केले आहे.
