ज्ञानवापी येथील प्रकरणामध्ये एक मोठी बातमी समोर आली आहे. न्यायालयाने काही दिवसांपूर्वी याबतीत एक मोठा निर्णय दिला आहे. न्यायालयाने दिलेल्या निर्णयानुसार हिंदूंना आता ज्ञानवापीच्या तळघरात पूजा करता येणार आहे. त्यानुसार तळघरामध्ये हिंदू समाजाकडून पूजा करण्यास सुरुवात झाली आहे . न्यायालयाने हिंदू याचिकाकर्त्यांना वाराणसीतील ज्ञानवापी मशिदीच्या पूर्वी सीलबंद तळघरात पूजा करण्याची परवानगी दिली आहे. दरम्यान या निर्णयाविरुद्ध मुस्लिम पक्षकारांनी अलाहाबाद उच्च न्यायालयात याचिका दाखल करण्यात आली होती. या याचिकेवर आता न्यायालयाने निर्णय दिला आहे.
वाराणसीच्या ज्ञानवापी मशिदीच्या दक्षिण बाजूच्या तळघरामध्ये हिंदूंना पूजा करण्याची परवानगी देण्यात आली होती. त्याविरुद्ध मुस्लिम पक्षकारांनी अलाहाबाद उच्च न्यायालयात याचिका दाखल केली होती. दरम्यान यावर सुनावणी पार पडली. अलाहाबाद उच्च न्यायालयाने या याचिका फेटाळून लावल्या आहेत. त्यामुळे तळघरामध्ये पूजा सुरूच राहणार आहे. या प्रकरणात मुस्लिम पक्षकारांनी वाराणसी जिल्हा न्यायालयाने दिलेल्या निर्णयाविरुद्ध उच्च न्यायालयात आव्हान दिले होते. ३१ जानेवारी रोजी वाराणसी जिल्हा नायायालयाने ज्ञानवापी मशिदीच्या दक्षिण बाजूच्या तळघरामध्ये पूजा करण्यास परवानगी दिली आहे. त्यानंतर या निर्णयाला उच्च न्यायालयात आव्हान देण्यात आले होते.
काय आहे प्रकरण?
दरम्यान, ज्ञानवापी मशिदीच्या तळघरात प्रवेश रोखण्यासाठी लावण्यात आलेले बॅरिकेड्स देखील हटविण्याचे निर्देश न्यायालयाने दिले आहेत. ASI च्या सर्वेक्षणाच्या वेळेस तळघर सील करण्याचे आदेश सर्वोच्च न्यायालयाने दिले होते. पत्रकारांशी संवाद साधताना हिंदू पक्षाचे प्रतिनिधित्व करणारे वकील विष्णू शंकर जैन म्हणाले, ”हिंदू पक्षाला ज्ञानवापीच्या तळघरात पूजा करण्याची परवानगी देण्यात आली आहे. जिल्हा प्रशासनाला ७ दिवसांच्या आत व्यवस्था करावी लागेल. आता प्रत्येकाला पूजा करण्याचा हक्क आहे.”
चार महिला फिर्यादींनी उत्खनन आणि मशिदीच्या सीलबंद भागाचे सर्वेक्षण करण्यासाठी सर्वोच्च न्यायालयात धाव घेतल्यानंतर काही दिवसांनी वाराणसी न्यायालयाचा हा आदेश आला आहे. वाराणसीमध्ये ज्ञानवापी मशिदीच्या बांधकामापूर्वी एक मोठे हिंदू मंदिर अस्तित्वात असल्याचे हिंदू बाजूनुसार भारतीय पुरातत्व सर्वेक्षण (एएसआय) अहवालानंतर सर्वोच्च न्यायालयात याचिका करण्यात आली होती.
