मुख्य निवडणूक आयुक्त राजीव कुमार यांनी आगामी लोकसभा निवडणुकीच्या (Loksabha Elections) तारखांची घोषणा केली आहे. त्यानुसार महाराष्ट्रात लोकसभा निवडणुका 19 एप्रिल, 26 एप्रिल, 7 मे, 13 मे आणि 20 मे रोजी पाच टप्प्यांमध्ये होणार आहे. तर 4 जून रोजी मतमोजणी होणार असल्याची घोषणा निवडणूक आयोगाने केली आहे.

महाराष्ट्रातील लोकसभा निवडणूक 2024 टप्पे खालीलप्रमाणे:

पहिला टप्पा – 19 एप्रिल

नागपूर, चंद्रपूर, रामटेक, भंडारा-गोंदिया आणि गडचिरोली-चिमूर

दुसरा टप्पा – 26 एप्रिल

अकोला, बुलढाणा, परभणी, यवतमाळ वाशीम, वर्धा, हिंगोली, अमरावती, नांदेड

तिसरा टप्पा – 7 मे

सातारा, बारामती, सांगली, उस्मानाबाद, लातूर, रत्नागिरी-सिंधुदुर्ग, माढा, कोल्हापूर, हातकणंगले, रायगड

चौथा टप्पा – 13 मे

जळगाव, नंदुरबार, पुणे, शिरूर, मावळ, जालना, रावेर, औरंगाबाद, शिर्डी, अहमदनगर, बीड

पाचवा टप्पा – 20 मे

मुंबई उत्तर, मुंबई उत्तर पश्चिम, मुंबई उत्तर पूर्व, मुंबई दक्षिण मध्य, मुंबई उत्तर मध्य, मुंबई दक्षिण, कल्याण, ठाणे, पालघर, भिवंडी, दिंडोरी, नाशिक, धुळे

महाराष्ट्रातील पाच टप्प्यांसाठी उमेदवारी अर्ज भरण्याची शेवटची तारीख आणि नामनिर्देशनपत्रांची छाननी तारीख:

महाराष्ट्रातील नागपूर, चंद्रपूर, रामटेक, भंडारा-गोंदिया आणि गडचिरोली-चिमूर अशा एकूण पाच मतदारसंघात पहिल्या टप्प्यात 19 एप्रिलला मतदान होणार आहे. या जागांसाठी 20 मार्च रोजी अधिसूचना जारी करण्यात आली असून उमेदवारी अर्ज दाखल करण्याची अंतिम तारीख 27 मार्च आहे. तर नामनिर्देशनपत्रांची छाननी 28 मार्च रोजी होणार असून उमेदवारी अर्ज मागे घेण्याची अंतिम तारीख 30 मार्च आहे.

विदर्भ आणि मराठवाड्यातील अकोला, बुलढाणा, परभणी, यवतमाळ वाशीम, वर्धा, हिंगोली, अमरावती, नांदेड या आठ मतदारसंघात दुसऱ्या टप्प्यात 26 एप्रिल रोजी मतदान होणार आहे. या जागांसाठी 28 मार्चला अधिसूचना जारी होणार असून उमेदवारी अर्ज दाखल करण्याची शेवटची तारीख आहे 4 एप्रिल आहे. तसेच भाजपचे आमदार गोवर्धन शर्मा यांच्या निधनामुळे होणारी अकोला पश्चिम विधानसभेची पोटनिवडणूक देखील 26 एप्रिलला होणार आहे. तर नामनिर्देशनपत्रांची छाननी 5 एप्रिल रोजी होणार आहे.

तिसऱ्या टप्प्यात सातारा, बारामती, सांगली, उस्मानाबाद, लातूर, रत्नागिरी-सिंधुदुर्ग, माढा, कोल्हापूर, हातकणंगले, रायगड या मतदारसंघात 7 मे रोजी निवडणूक होणार आहे. तर या तिसऱ्या टप्प्यासाठी 12 एप्रिल रोजी अधिसूचना जारी केली जाणार असून अर्ज भरण्याची शेवटची तारीख 19 एप्रिल आहे. तर नामनिर्देशनपत्रांची छाननी 20 एप्रिल रोजी होणार आहे.

चौथ्या टप्प्यात जळगाव, नंदुरबार, पुणे, शिरूर, मावळ, जालना, रावेर, औरंगाबाद, शिर्डी, अहमदनगर, बीड या 11 मतदारसंघांसाठी 13 मे रोजी निवडणूक होणार आहे. या जागांसाठी 18 एप्रिल रोजी अधिसूचना जारी करण्यात येणार असून उमेदवारी अर्ज भरण्याची शेवटची तारीख 25 एप्रिल आहे. तर नामनिर्देशनपत्रांची छाननी 26 एप्रिल रोजी होणार आहे.

पाचव्या टप्प्यात मुंबई उत्तर, मुंबई उत्तर पश्चिम, मुंबई उत्तर पूर्व, मुंबई दक्षिण मध्य, मुंबई उत्तर मध्य, मुंबई दक्षिण, कल्याण, ठाणे, पालघर, भिवंडी, दिंडोरी, नाशिक, धुळे या मतदारसंघात 20 मे रोजी निवडणूक होणार आहे. तर या जागांसाठी उमेदवारी अर्ज भरण्याची शेवटची तारीख 3 मे आहे. तर नामनिर्देशनपत्रांची छाननी 4 मे रोजी होणार आहे.