जम्मू-काश्मीरमध्ये मोठा अपघात; टॅक्सी खोल दरीत कोसळली, 10 जणांचा मृत्यू

जम्मू-काश्मीरमध्ये (Jammu Kashmir) मोठा अपघात (Accident) झाला आहे. जम्मूमधून श्रीनगरला (Srinagar) जाणारी एक प्रवासी टॅक्सी खोल दरीत कोसळली. या अपघातात 10 जणांचा मृत्यू झाला असल्याची माहिती समोर आली आहे. तसेच हा भीषण अपघात जम्मू-श्रीनगर राष्ट्रीय महामार्गावर रामबनजवळ घडला आहे. (Jammu Kashmir Accident)

या अपघाताची माहिती मिळताच रेस्क्यू टीम, पोलीस आणि एसडीआरएफ तातडीनं घटनास्थळी दाखल झाले आहेत. तसेच सध्या घटनास्थळी बचावकार्य सुरू आहे. पण, पावसामुळे बचावकार्यामध्ये व्यत्यय येत असल्याची माहिती आहे.

प्रवशांनी भरलेली टॅक्सी जम्मूहून श्रीनगरला निघाली होती. तर मध्यरात्री 1.15 च्या सुमारास ही टॅक्सी 300 फूट खोल दरीत कोसळली आणि मोठा अपघात झाला. या अपघातात 10 जणांचा मृत्यू झाला आहे. तसंच सध्या घटनास्थळी बचावकार्य सुरू आहे, अशी माहिती अधिकाऱ्यांनी दिली आहे.

दरम्यान, या भीषण अपघाताचे कारण अद्याप समजू शकलेले नाही. तसेच पोलीस आता या घटनेची अधिक माहिती घेत आहेत.