हिमाचल प्रदेशातील मंडीतील भारतीय जनता पक्षाची (BJP) उमेदवार कंगना रणौत हिने आज (29 मार्च) सांगितले की, मंडीतील लोकांनी राहुल गांधींना त्यांच्या ‘शक्ती’ टिप्पणीवर सडेतोड प्रत्युत्तर दिले पाहिजे आणि “हिंदु राष्ट्रामध्ये ते असे कसे बोलू शकतात”, असे कंगना रणौत म्हणाली.
कंगना रणौत म्हणाली, राहुल गांधी म्हणतात की त्यांना ‘शक्ती’ नष्ट करायची आहे. त्यांच्यासाठी अशी भाषणे कोण लिहितात? राहुल गांधी हिंदु राष्ट्रात अशाप्रकारची वक्तव्ये कशी करू शकतात? मला मंडीतील लोकांची गरज आहे. तसेच महिलांबद्दल असभ्य बोलणाऱ्यांना उत्तर देण्यासाठी भारतातील जनतेने मला नेहमीच आशीर्वाद दिला आहे.
मुंबईच्या शिवाजी मैदानावर प्रचाराच्या समारोपाच्या भाषणादरम्यान राहुल गांधींनी केलेल्या वक्तव्यानंतर या महिन्याच्या सुरुवातीला ‘शक्ती’ टिप्पणीवरून वाद निर्माण झाला होता. राहुल गांधी यांनी या महिन्याच्या सुरुवातीला महाराष्ट्रात केलेल्या त्यांच्या टिप्पण्यांमध्ये, विरोधकांच्या संघर्षावर जोर देण्यासाठी इलेक्ट्रॉनिक मतदान यंत्रांच्या ऑपरेशनबद्दल चिंता व्यक्त केली.
“हिंदू धर्मात ‘शक्ती’ हा शब्द आहे. आपण शक्तीच्या विरोधात लढत आहोत. प्रश्न आहे की शक्ती म्हणजे काय? तर राजाचा आत्मा ईव्हीएममध्ये आहे, हे सत्य आहे. राजाचा आत्मा ईव्हीएममध्ये आणि प्रत्येक देशाची संस्था, ईडी, सीबीआय आणि आयकर विभागामध्ये आहे,” असे राहुल गांधी म्हणाले होते. तर राहुल गांधी यांच्या वक्तव्यावर भाजपने निवडणूक आयोगाकडे तक्रारही केली आहे.
“‘शक्ती’ हा शब्द पारंपारिकपणे भारतातील स्त्री देवता आणि स्त्री लोकांशी संबंधित असल्याने, धार्मिक भावना दुखावण्याबरोबरच यात जन्मजात चुकीचा स्वर आहे”, असे भाजपने तक्रारीत म्हटले आहे.
