भारतीय जनता पक्षाने लोकसभा निवडणुकीसाठी आपल्या उमेदवारांची आणखी एक यादी जाहीर केली आहे. यामध्ये दामोदर अग्रवाल यांना राजस्थानच्या भीलवाडा लोकसभा मतदारसंघातून तिकीट देण्यात आले आहे. यापूर्वी भाजपने काल आपल्या उमेदवारांची आठवी यादी जाहीर केली होती.
यामध्ये पंजाबमधील गुरुदासपूर लोकसभा मतदारसंघातून विद्यमान खासदार आणि बॉलिवूड अभिनेता सनी देओलचे तिकीट रद्द करण्यात आले आहे. त्यांच्या जागी दिनेश सिंग यांना तिकीट देण्यात आले आहे.
30 मार्च रोजी भारतीय जनता पक्षाने लोकसभा निवडणुकीसाठी उमेदवारांची आठवी यादी जाहीर केली. या यादीत ओडिशाच्या तीन, पंजाबच्या सहा आणि पश्चिम बंगालच्या दोन लोकसभा जागांसाठी उमेदवार जाहीर करण्यात आले आहेत.
543 सदस्यांच्या लोकसभा निवडणुकीसाठी भाजपने आतापर्यंत 412 जागांसाठी आपले उमेदवार जाहीर केले आहेत. दरम्यान, लोकसभेच्या 543 जागांसाठी 19 एप्रिल ते 1 जून दरम्यान सात टप्प्यांत निवडणुका होणार आहेत. 4 जून रोजी मतमोजणी होणार आहे.
